Ушбу фармон орқали тиббий хизматларни илғор халқаро тажриба асосида ташкил этиш, рақамлаштириш ва тиббиётни аҳолига яқинлаштириш каби устувор йўналишлар белгиланди. Асосий мақсад эса — халқ розилигини таъминлаш.
Фармонда қайд этилган биринчи мақсад — бирламчи тиббий-санитария ёрдамининг халқаро стандартларга асосланган янги моделини жорий этишдир. Бу аҳолига сифатли ва узлуксиз хизмат кўрсатишнинг асоси сифатида кўрилмоқда.
Иккинчи йўналиш — маҳаллий тиббиёт муассасаларини ягона ёндашув асосида ташкил қилиш ва уларни аҳолига яқинлаштиришдан иборат. Учинчи мақсад — оилавий шифокорлар улушини 70 фоизга етказишдир.
Тўртинчи мақсад — рақамлаштириш орқали тиббиётда қоғозбозликни камайтириш ва шифокорлар юкини 30 фоизгача тушириш. Бу орқали тиббиёт ходимлари беморларга янада кўпроқ вақт ажрата олади.
Бешинчи мақсад — тиббий хизматлардан аҳоли розилигини 85 фоизга етказиш. Бу кўрсаткични ошириш учун сервис сифатини яхшилашга катта эътибор қаратилмоқда.
Олтинчи мақсад — тиббиёт ходимларини самарадорлик асосида моддий рағбатлантириш тизимини жорий қилиш. Бу соҳага интилиш ва рақобатбардошлик олиб келиши кутилмоқда.
Якуний мақсад — тиббиёт бригадалари ходимларининг билими ва амалий кўникмаларини мустаҳкамлашдир. Бу орқали кадрлар салоҳияти оширилиб, тизим самарадорлиги кучайтирилади.
Фармонда улкан ва эзгу мақсадлар кўзда тутилган. Уларнинг ҳаммасини бирлаштириб турган жиҳат эса — одамлар розилигига эришиш, деб ёзмоқда Соғлиқни сақлаш вазирлиги матбуот хизмати
Тиббиётда тарихий ислоҳотлар: Президент фармонида кўзланган етти асосий мақсад
Ўзбекистонда соғлиқни сақлаш соҳасида амалга оширилаётган кенг кўламли ислоҳотлар нафақат тизимни тубдан янгилаш, балки аҳолига тиббий хизматлар сифатини оширишга қаратилган. Президентнинг 2024 йил 19 майда қабул қилган фармони — бу жараёнда йўл харитаси вазифасини бажараётир.
