19 июн куни Петербург иқтисодий форумида сўзга чиққан Россия Бош вазири ўринбосари Александр Новакнинг таъкидлашича, Россия ва Ўзбекистон томони атом электр станцияси қурилиши бўйича аниқ иқтисодий параметрларни муҳокама қилмоқда. Ҳозирча
Режага кўра, Ўзбекистонда иккита 1000 MWли энергоблокдан иборат катта АЭС ҳамда иккитадан 55 МВтли кичик блокларга эга АЭС қурилади. Шу орқали Россия илк бор қуруқликда кичик қувватли атом станциясини амалга оширмоқчи. Аввал бундай лойиҳалар фақат сузувчи станциялар кўринишида қурилган. Ушбу кичик АЭСнинг биринчи блоки 2029 йилгача ишга туширилиши режалаштирилган.
Новак, Ўзбекистон бош вазири ўринбсари Жамшид Хўжаевга мурожаат қилар экан, Ўзбекистон Россияни атом энергетикасидаги шерик сифатида танлагани учун миннатдорлик билдирди.
АЭС лойиҳаси аввалроқ «Ўзатом» ва Россиянинг «Росатом» компанияси ўртасида имзоланган шартнома асосида бошланган эди. Илк режада кичик АЭС 330 MW қувватда бўлиши кўзда тутилган бўлса, кейинчалик бу кўрсаткич уч баробарга камайтирилди. Бу ўзгаришларни Россия Иқтисодий ривожланиш вазирлиги ҳам тасдиқлаган.
Ўзбекистон энергетика вазири Жўрабек Мирзамаҳмудов 2024 йил октябрида, станция қурилиши кичик реакторлардан бошланишини айтганди. Бироқ у катта реакторлар ҳам зарурлигини таъкидлаган, чунки мамлакат 2030 йилгача қайта тикланувчи энергия манбалари улушини 40 фоизга етказишни мақсад қилган.