ХВЖ экспертлари инфляцияга қарши курашда ташқи қарз олишда эҳтиёткорлик ва олтин нархининг юқорилиги ортидан келиб чиқувчи харажатлар ўртадаги мувозанатни бузмаслиги кераклигини таъкидлашди. Давлат харажатларининг олтин қийматига қараб кескин ўсиши иқтисодий нотинчлик хавфини ошириши мумкин.
Шу билан бирга, солиқ тушумларини ЯИМга нисбатан кўпайтириш ва бюджет маблағларининг самарали сарфланишини таъминлаш орқали харажатлар имкониятини кенгайтириш тавсия этилган. Шу асосда давлат харажатларини устувор соҳаларга йўналтириш ва самарадорликни ошириш лозимлиги кўрсатилган.
ХВЖ, шунингдек, Марказий банкнинг мустақиллигини кучайтириш, алмашув курсининг мослашувчанлигини ошириш ва тижорат банкларининг бозор тамойилларига мослашувини қўллаб-қувватлашга чақирган. Банклар тижорат асосида фаолият юритиши, давлат томонидан берилувчи имтиёзли кредитлар босқичма-босқич қисқартирилиши лозим.
Шунингдек, давлат корхоналарини хусусийлаштириш жараёнини жадаллаштириш, бозор тамойилларига мувофиқ тарзда либераллаштириш ислоҳотларини якунлаш ва коррупцияга қарши миллий стратегияни қабул қилиш масалалари ҳам ХВЖ диққат марказида бўлди.