Яман қуролли кучлари расмий баёнот орқали АҚШнинг Эронга қарши ҳужумлари ортидан Яқин Шарқдаги урушга қўшилишини маълум қилди. Баёнот Х ижтимоий тармоғида эълон қилинди ва унда мамлакат ўзининг ҳудудий сувларида америкаликларнинг ҳар қандай кемасига қарши чора кўришини аниқ баён этилган.
«Яман расман урушга киришди. Кемаларингизни бизнинг сувларимиздан олиб чиқинг», — дейилади баёнотда. Қуролли кучлар, агар АҚШ Исроил билан ҳамкорликда Эронга қарши урушни давом эттирса, Қизил денгиздаги ҳарбий ва флот кемаларига зарба беришга тайёрлигини яна бир бор таъкидлади.
Эслатиб ўтамиз, 22 июнга ўтар кечаси АҚШ Эроннинг Фўрду, Натанз ва Исфаҳон шаҳарларида жойлашган учта асосий ядровий объектларига ҳаво зарбасини берган эди.