Буюк Британиянинг БМТдаги элчиси Барбара Вудворд мамлакатнинг бу зарбаларида иштирок этмаганини маълум қилди. Унинг таъкидлашича, Британия учун асосий устуворлик — вазиятни кескинлаштирмасдан, деэскалацияни қўллаб-қувватлаш ҳисобланади.
Вудворд Эроннинг ядровий дастури халқаро хавфсизлик учун жиддий таҳдид эканини таъкидлаб, ҳарбий ечимлар билан муаммони бартараф этиб бўлмаслигини билдирди. У барча томонларни музокаралар столига қайтишга чақирди.
Йиғилишда Атом энергияси бўйича халқаро агентлик раҳбари Рафаэл Гросси ҳам сўзга чиқди. У ҳали дипломатик ечим учун имкониятлар мавжудлигини айтиб, бу “имкониятлар ойнаси”ни ёпмаслик зарурлигини таъкидлади. Акс ҳолда, у зўравонлик авж олиши ва ядровий қуролларни тарқатмаслик тизими қулаши мумкинлиги ҳақида огоҳлантирди.
АҚШ президенти Дональд Трамп эса “Truth Social”даги чиқишида Эрондаги ядровий иншоотларга кучли зарбалар берилганини маълум қилди. Унинг айтишича, Б-2 бомбардимончи самолётлари Миссури штатидаги базасига қайтган.
Маълумот учун, 22 июн куни АҚШ Эроннинг бир қатор объектларига ҳаво зарбалари берган эди.