7 май куни Лондонда нефт фючерслари нархи сессия бошидаги ўсишдан сўнг секинлашди. Brent маркали нефт нархи 0,34 фоизга ошиб, бир баррели учун 62,36 долларга, WTI эса 0,51 фоизга ўсиб, 59,39 долларга етди.
Сабаб сифатида АҚШ ва Хитой ўртасидаги яқинлашиб келаётган савдо музокаралари, шунингдек, АҚШда нефт қазиб олишнинг секинлашаётгани қайд этилмоқда. Diamondback Energy ва Coterra Energy каби компаниялар қазиб олиш ускуналарини қисқартираётганини эълон қилди. Бу келгусида бозорда таклифни камайтириши ва нархларни барқарорлаштириши мумкин.
Шу билан бирга, OPEC+нинг қазиб олишни тезлаштириш қарори бозорда таклиф ортиши бўйича хавотирларга сабаб бўлди. Ушбу қарор 4 йиллик минимум даражадаги нархларни янада пасайтирди.
Америка нефт институтининг маълум қилишича, ўтган ҳафтада нефт ва бензин захиралари кескин камайган. Reutres АҚШ нефт захиралари 800 минг баррелга камайган бўлиши мумкинлигини тахмин қилмоқда.