Америкалик сиёсатчи, Конгресс аъзоси Бадди Картер, телеканал маълумотларига кўра, Тинчлик бўйича Нобел қўмитасига мурожаат қилиб, Трамп Исроил ва Эрон ўртасидаги можарони тугатишда «муҳим ва тарихий рол» ўйнаганини таъкидлаган.
Унинг фикрича, давлат раҳбари Эроннинг «сайёрадаги энг ҳалокатли қурол»га эга бўлишининг олдини олган.
Мурожаатда Картер, шунингдек, Трампнинг президентлик муддати глобал инқироз шароитида «тинчликка интилиши, урушларнинг олдини олиши ва халқаро тотувликни илгари суриши» билан ажралиб туришини, бу эса Нобел мукофоти талабларига тўлиқ мос келишини ёзган.