Fox News хабарига кўра, АҚШ президенти Доналд Трамп сўнгги нутқида Россия раҳбари Владимир Путин билан телефон орқали суҳбатлашганини айтди. Трампнинг сўзларига қараганда, Путин унга Эрон-Исроил зиддияти юзасидан ёрдам таклиф қилган.
«Владимир менга қўнғироқ қилди. У: «Эрон масаласида ёрдамим керакми?» — деб сўради. Мен унга: «Йўқ, менга Эрон эмас, сиз билан боғлиқ масалада ёрдам керак», — дедим. Биз Россия билан келишувга эришишга умид қиламиз. Афсуски, ўтган ҳафта 6 минг аскар ҳалок бўлди», — деган Трамп.
Бундан аввал ҳам Трамп шунга ўхшаш фикр билдирган эди. У Россияга нисбатан муросага келишдан аввал Украинадаги урушни тўхтатиш кераклигини таъкидлаган. Унга кўра, Москва биринчи навбатда Украинадаги тажовузкор ҳаракатларини бас қилиши лозим.