«Times» газетасининг ёзишича, Исроил Эроннинг ядровий дастурига қарши операцияга 2010 йилдаёқ тайёргарлик кўра бошлаган. Разведка манбалари маълумотларига асосан, Исроил агентлари Теҳрон, Исфаҳон ва Натанздаги объектларда йиллар давомида фаолият юритган.
Газета ёзишича, Исроил махсус хизматлари уранни бойитиш центрифугалари жойлашган объектлар, электр таъминоти инфратузилмалари ва вентиляция шахталарини аниқлаб, уларга зарба берган. Нишонлар қаторида тадқиқот марказлари ва трансформатор станциялари ҳам бўлган.
Ҳужжатларга кўра, Эрон ҳар ойда мингта «ер-ер» туридаги ракета ишлаб чиқариш орқали саккиз мингта ракета захирасини тўплашни режалаштирган. Операция вақтида Теҳронда 2-2,5 мингта баллистик ракета мавжуд бўлган.
Исроил 13 июнга ўтар кечаси Эроннинг ядровий дастурига қарши операция бошлаб, атом объектлари, генераллар ва ҳаво базаларига зарба берган. Эрон бу айбловларни рад этиб, жавоб зарбалари билан қарши ҳужумга ўтган.
22 июнга ўтар кечаси АҚШ Эрон ядровий объектларига бир марталик зарба берди. Шунингдек, 23 июн куни Эрон Қатардаги АҚШ базасига ракеталар йўллади ва вазиятни кучайтириш нияти йўқлигини маълум қилди.
АҚШ президенти Доналд Трамп эса Исроил ва Эрон ўртасида ўт очишни тўхтатиш бўйича келишувга эришилганини ва минтақада тинчликка умид пайдо бўлганини айтди.