Қирғизистон Вазирлар Маҳкамаси Ўш вилоятидаги қирғиз-ўзбек давлат чегарасида Ўзбекистон томонидан Қирғизистонга берилган иккита ер майдонини давлат мулкига олиш тўғрисидаги қарорни тасдиқлади. Бу ҳақда 24.kg хабар бермоқда.
Биринчи майдон 100 гектар бўлиб, Қорасув туманида 312/4 ва 312/6-сонли чегара пунктлари оралиғида, иккинчи майдон эса 198,44 гектар бўлиб, Аравон туманидаги 324 ва 328-сонли пунктлар орасида жойлашган.
Ушбу қарорлар 2022 йил 3 ноябрда Бишкекда имзоланган «Қирғизистон Республикаси ва Ўзбекистон Республикаси ўртасида давлат чегарасининг айрим участкалари тўғрисидаги битимни ратификация қилиш ҳақида»ги қонунни амалга ошириш доирасида қабул қилинган.