«База» манбасининг ёзишича, Шихлинский ўғли билан бирга қўлга олинган. Шоҳин Шихлинскийга нисбатан ҳозирча айблов қўйилмаган — у гувоҳ сифатида сўроқ қилинмоқда, деб ёзади haqqin.az.
Аввалроқ, Шихлинский Сафаровлар иши доирасида сўроқ қилинган. Ушбу иш 2001 йилда Юнус Пашаев номли савдогарнинг ўлдирилиши билан боғлиқ.
Шу билан бирга, Воронеж шаҳрида Алексеевский бозори ҳаммуассиси, озарбойжонлик тадбиркор Юсуф Халилов ҳам қўлга олинди. Россия ОАВларига кўра, у Озарбойжон диаспорасининг норасмий етакчиларидан бири сифатида қаралади.
Аввалроқ Екатеринбургда полиция рейди пайтида озарбойжон миллатига мансуб ака-ука тадбиркорлар Ҳусейн ва Зияддин Сафаровлар оғир қийноққа солиниб ўлдирилган эди. Шундан сўнг Озарбойжон томони Россияга норозилик нотаси жўнатган, Россияга тегишли «Спутник-Азербайджан» агентлигининг Бокудаги офисида ҳибсга олишлар бўлиб ўтган эди. Шунингдек Озарбойжонда ишлаётган россиялик релокантлар контрабандада гумонланиб қўлга олинган.