Сенатдаги муҳокамалар бир суткадан ортиқ давом этди ва овоз беришда жуда кичик фарқ билан қабул қилинди. Гарчи Сенатда республикачилар 100 ўриндан 53 тасига эга бўлса-да, бюджет учун 50 нафар республикачи сенатор ва вице-президент Жей Ди Вэнс овоз берди. Маълумки, Сенатда овозлар тенг тақсимланганда вице-президентнинг овози ҳал қилувчи аҳамиятга эга бўлади.
Бюджетга қаршилик кўрсатганлар орасида барча демократ сенаторлар ҳамда уч нафар республикачи — Мэн штатидаги Сюзан Коллинз, Шимолий Каролинадан Том Тиллис ва Кентуккидан Рэнд Пол бўлди. Улар бюджетни қўллаб-қувватламасликка қарор қилди.
Бу натижага эришишда Аляскадан сайланган сенатор Лиза Муркаускининг қарорини ўзгартиришдаги муваффақият муҳим бўлди. У сўнгги паллада бюджетни қўллаб-қувватлашга рози бўлди ва шу орқали зарур овозлар тўпланди.
Муҳокамалар давомида Сенат аъзолари бюджет матнига бир қатор ўзгартиш ва қўшимчалар киритди. Шу сабабли ҳужжат яна Вакиллар палатасига қайтарилди. Аммо у ерда республикачиларнинг устунлиги янада кичик бўлиб, бюджет тақдири ҳозирча ноаниқлигича қолмоқда.
Таҳлилчилар фикрича, бюджет лойиҳаси қатор баҳсли масалаларни қамраб олгани боис, Вакиллар палатасида унинг тақдири катта сиёсий тортишувларга сабаб бўлиши мумкин.