Еврокомиссия расмийси Гийом Мерсе Украина Евроиттифоққа аъзо бўлиш музокараларига тўлиқ тайёр эканини маълум қилди. Унга кўра, расмий Киев барча зарур шартларни «энг оғир шароитларда» бажарган.
Мерсе таъкидлаганидек, энди бу масалада қарор қабул қилиш навбати Венгрияга келди. У Венгрия қандай йўл танлашини ўзининг ички сиёсати асосида ҳал қилиши кераклигини билдирди.
Аввалроқ, Венгрия Бош вазири Виктор Орбан ўз мамлакатида ўтказилган «референдум» натижаларига таяниб, украиналикларнинг Евроиттифоқ аъзолигига қарши эканини айтган эди. Аммо расмий Брюссел ушбу овоз беришни ҳеч қандай ҳуқуқий кучга эга эмас, деб баҳолаган.
Еврокомиссия Будапештдан бу борадаги қаршиликлар юзасидан асосли тушунтириш берилишини талаб қилмоқда. Европа расмийлари Венгриянинг позициясини аниқлаштириш ва музокаралар жараёнидаги кейинги қадамларни белгилашни кутаётганини маълум қилган.
Европа Иттифоқи Украинага аъзолик бериш масаласида умумий келишув зарурлигини таъкидламоқда. Шу сабаб, Венгриянинг расмий муносабати Евроиттифоқнинг кейинги қарорларига жиддий таъсир кўрсатиши мумкин.