Америка Қўшма Штатлари Украинага Patriot тизимлари учун тутувчи ракеталар, Hellfire ва Stinger ракеталари, GMLRS аниқ мўлжалли ўқ-дорилари ва бошқа турдаги қуролларни етказиб беришни вақтинча тўхтатган.
The New York Times’га кўра, ушбу қарор Киев расмийларини ҳайратда қолдирган. Газета буни АҚШнинг урушдаги иштирокига нисбатан янги сиёсий йўналиш сифатида талқин қилмоқда.
Нашрнинг таъкидлашича, ҳозирча тўхтатилган қуроллар рўйхати тўлиқ очиқланмаган, аммо етказиб беришнинг тўхтатилиши «Вашингтон урушдан аста-секин четлашяпти» деган аниқ сигнални юбормоқда.