Marca нашрининг ёзишича, Жота Испаниянинг Самора провинциясидаги Паласиос-де-Санабрия ҳудудида рўй берган йўл-транспорт ҳодисасида ҳалок бўлган. У 26 ёшли акаси Андре билан бирга машинада кетаётган пайтда автомашина йўлдан чиқиб кетган ва ёнган. Ҳодиса оқибатида ҳар иккиси ҳам ҳалок бўлган. 22 июн куни Диогу Жота оила қурган эди.
Жота 2020 йилдан буён «Ливерпул» сафида тўп суриб келаётганди. У жамоа билан бирга Англия Премиер-лигасида ғолиб чиқди, шунингдек, мамлакат кубоги ва Лига кубогини икки марта қўлга киритди. Ундан аввал Жота «Вулверхемптон», «Атлетико Мадрид», «Порту»ва «Пасос де Феррейра» клубларида ҳам ўйнаган.
Португалия терма жамоаси сафида Жота Миллатлар Лигасида икки бор чемпионликни қўлга киритган. Унинг терма жамоа сафидаги ўйинлари мухлислар томонидан юқори баҳоланганди.
Жота ҳаётидаги сўнгги ойлардаги муваффақиятлар – янги оила, чемпионлик ва халқаро ғалабалар – унинг ёрқин спорт йўлини янада эътиборли қилган эди. Унинг кетиши футбол дунёси учун катта йўқотиш бўлди.