Ўзбек ишбилармони Жаҳонгир Ортиқхўжаев Туркиянинг Анталя шаҳрида 550 млн долларлик йирик инвестиция лойиҳасини бошлади. Лойиҳа доирасида турар-жой, меҳмонхона ва савдо маркази қурилиши режалаштирилган.
Жаҳонгир Ортиқхўжаев бу лойиҳани турк шериклари билан биргаликда амалга оширмоқда. Унинг таъкидлашича, бу инвестиция Туркияда турли соҳаларда бизнес муҳитини кенгайтиришга ва икки давлат ўртасидаги иқтисодий муносабатларни янада кучайтиришга хизмат қилади. У Анталияда олиб борилаётган қурилиш ишлари 2027–2028 йилларда тўлиқ якунланиши режалаштирилаётганини маълум қилди.
Ортиқхўжаев Туркияда иш олиб бориш жараёнида ҳеч қандай бюрократик тўсиқлар ва муаммоларга дуч келмаганини алоҳида таъкидлади. Унинг сўзларига кўра, Ўзбекистонлик инвесторлар Туркияда ўзини ўз ватанидаги каби эркин ҳис қилади, шунингдек, турк тадбиркорлари ҳам Ўзбекистонда бемалол ва ишонч билан фаолият юритиш имконига эга.
Жаҳонгир Ортиқхўжаев нафақат инвестиция, балки Ўзбекистонда таълим ва туризм соҳаларига ҳам катта ҳисса қўшмоқда. Унинг университети дунё бўйлаб танланган профессорларни жалб қилиб, сифатли таълим беришни мақсад қилган. Университетда фойда эмас, балки мамлакат келажаги устувор аҳамиятга эга экани таъкидланмоқда.