Дамир Ядгаров 1937 йил 18 феврал куни Шофиркон туманида туғилган. 1960 йилда Тошкент қишлоқ хўжалиги институтини тамомлаб, меҳнат фаолиятини ушбу олийгоҳда бошлаган. У ёшлар қўмитаси котиби сифатида иш бошлаб, кейинчалик қишлоқ хўжалиги ва сув хўжалиги тизимларида турли раҳбарлик лавозимларида фаолият юритган.
1992-1994 йилларда у Бухоро вилояти ҳокими сифатида фаолият юритган.
Ядгаров кейинчалик Ўзбекистон пахтачилик илмий-тадқиқот институтининг Бухоро филиалига раҳбарлик қилган. Бу даврда у селекция ва уруғчилик соҳаларида, хусусан, Зарафшон воҳаси шароитига мос навларни яратишда илмий ютуқларга эришишга ҳисса қўшган.
У «Ўзбекистон Республикасида хизмат кўрсатган қишлоқ хўжалик ходими» фахрий унвони ҳамда «Меҳнат шуҳрати» ордени билан тақдирланган.