Миллий статистика қўмитаси маълумотларига кўра, 2025 йилнинг беш ойи якунигача Ўзбекистоннинг энг йирик экспорт бозори Россия бўлган. Бу давлатга экспорт ҳажми 1,6 млрд долларга етган.
Россиядан кейинги ўринда Хитой жой олган бўлиб, Ўзбекистон Хитойга 755,7 млн долларлик маҳсулот экспорт қилган. Қозоғистон эса 518,8 млн долларлик савдо ҳажми билан учинчи ўринда қайд этилган.
Афғонистон Ўзбекистоннинг муҳим савдо ҳамкори сифатида тўртинчи ўринни эгаллаб, унга 515,9 млн долларлик маҳсулот юборилган. Туркияга эса 429,4 млн долларлик экспорт амалга оширилган.
Франция 402,6 млн долларлик кўрсаткич билан рўйхатдаги олтинчи ўринда турибди. Бундан ташқари, Бирлашган Араб Амирликлари, Қирғизистон, Тожикистон ва Покистон ҳам Ўзбекистоннинг экспорт бозорларида муҳим ўрин эгаллаган.
Жумладан, БААга 223,9 млн доллар, Қирғиз Республикасига 209,7 млн доллар, Тожикистонга 200,1 млн доллар ва Покистонга 158,8 млн долларлик маҳсулот экспорт қилинган.