Олий Мажлис Қонунчилик палатасида қабул қилинган янги қонунга мувофиқ, Ўзбекистон Республикаси фуқаролари ҳамда мамлакат ҳудудида доимий яшовчи чет эл фуқаролари ва фуқаролиги бўлмаган шахслар узлуксиз 90 кун ва ундан ортиқ чет элда бўлиб қайтган тақдирда, ОИТВ инфекциясига тиббий текширувдан мажбурий равишда ўтказилади.
Шунингдек, республикамизга меҳнат фаолиятини амалга ошириш учун келаётган чет эл фуқаролари ва фуқаролиги бўлмаган шахслар ҳам ВИЧ инфекциясига текширилиши шарт қилиб белгиланмоқда. Мазкур норма 18 ёшдан 60 ёшгача бўлган шахсларга тааллуқлидир.
Мазкур талаб аҳоли саломатлигини муҳофаза қилиш, инфекция тарқалишининг олдини олиш ва тиббий хавфсизликни таъминлаш мақсадида жорий этилмоқда.
Қонун лойиҳаси Қонунчилик палатасида қабул қилиниб, тасдиқ учун Сенатга юборилди (https://t.me/qonunchilikpalatasi/29352). У тасдиқлангандан сўнг амалиётга жорий этилади.