Ўзбекистон товар-хомашё биржаси маълумотларига кўра, бензин нархи 4 июлдан буён тинимсиз ошиб бормоқда. Июн ойида Рақобат қўмитаси AI-80 бензини учун белгиланган 5 фоизлик нарх ўсиши чегарасини бекор қилди. Бу қарор ортидан нархлар кўтарилди ва сотув ҳажми камайди.
10 июл куни AI-80 нархи 0,5 фоизга ўсиб, бир тоннасининг нархи 10,19 миллион сўмни ташкил этди. Бу нарх жорий йилда биринчи марта 4 июлда 10 миллион сўмдан ошган эди. Июнь ойида қабул қилинган қарор ортидан бензин бир ой ичида 7,7 фоизга қимматлашди.
AI-80 бензини асосан Бухоро нефтни қайта ишлаш заводида ишлаб чиқарилади. Ушбу бензин бўйича сотув ҳажми 8,6 фоизга — 1805 тоннага нисбатан 1650 тоннагача камайган.
Аввалроқ, 2024 йил ноябр ойида AI-80 бензини учун максимал нарх 9 млн 377 минг 555 сўм этиб белгиланган эди. Ҳозир эса бу чеклов амалда эмас. Президент томонидан эса AI-80 бензиндан фойдаланишни чеклаш ва экологик тоза ёқилғига ўтиш бўйича вазифалар қўйилган.