Бироқ, Киев ва унинг Ғарбдаги иттифоқчилари, жумладан, АҚШ президенти Доналд Трамп, музокаралардан олдин 30 кунга ўт очишни тўхтатишни талаб қилмоқда. Бу талаб Кремл томонидан рад этилди ва Россия матбуот котиби Дмитрий Песков Россия ҳеч қандай босим остида ҳаракат қилмаслигини билдирди.
Медуза таҳлилчиси Александр Бауновнинг фикрича, Путиннинг бу таклифи унинг «келишиш» ва «ғалаба» ўртасидаги мувозанатни сақлашга уринишидир. Унинг таъкидлашича, Путин бир томондан, Ғарб билан келишув орқали ўзининг ташқи сиёсий ютуқларини легитимлаштиришга интилаётган бўлса, иккинчи томондан, ички аудитория учун ғолиб образини сақлаб қолишга ҳаракат қилмоқда.
Баунов Путиннинг бу ҳаракатларини Иосиф Сталиннинг Иккинчи жаҳон урушидан кейинги сиёсий стратегиясига ўхшатади. Унинг фикрича, Путин ҳам Сталин каби, бир вақтнинг ўзида куч ва легитимлик ўртасидаги мувозанатни топишга ҳаракат қилмоқда.
Путиннинг Истанбулдаги музокаралар учун таклиф қилган санаси 15 май. Бу 2022 йилда тўхтатилган сўнгги музокаралардан кейинги биринчи тўғридан-тўғри учрашув бўлади. Ушбу музокаралар Украина ва Россия ўртасидаги урушни тугатишга қаратилган бўлиб, уларнинг натижасига халқаро ҳамжамият қулоғини динг қилиб турибди.