Ўшанда зарба Теҳрондаги Миллий хавфсизлик юқори кенгаши мажлиси бўлиб ўтаётган бинога берилган. Бу вақтда
Эрон расмийлари пинҳона қаватда бўлишган.
Маълум қилинишича, мажлис иштирокчилари олдиндан белгиланган фавқулодда чиқиш йўли орқали бинодан чиқиб кетишга муваффақ бўлган. Ҳужум асосан бинога олиб кирувчи ва чиқарувчи эшикларга йўналтирилгани айтиб ўтилди. Эрон расмийлари зарба берилган жойнинг аниқлигига эътибор қаратган ҳолда, маълумот сиздирилган бўлиши эҳтимолини ҳам истисно қилишмаяпти.
Ушбу ҳодиса Исроил ва Эрон ўртасида 13 июн куни бошланган қуролли тўқнашувлардан сўнг қайд этилмоқда. Жанговор ҳаракатлар АҚШ ташаббуси билан 24 июндан кучга кирган ўт очишни вақтинчалик тўхтатиш келишуви орқали тўхтатилган эди.
Аввалроқ, Масъуд Пизишкиён исроилликлар томонидан уни ўлдиришга уриниш бўлгани ҳақида ҳам гапирган эди. Америкалик журналист Такер Карлсонга берган интервьюсида у бундай уриниш бўлганини тасдиқлаган ва «Ҳа, улар уриниб кўришди, лекин муваффақиятсизликка учради», — деганди.