Ўзгидромет маълумотига кўра, дам олиш кунлари республика бўйлаб кундузи ҳарорат +40…+43 даражагача, жанубий ва чўл ҳудудларда эса +44…+45 даражагача кўтарилиши кутилмоқда. Тошкент шаҳрида тунда ҳам ҳаво ҳарорати +24…+27 даражадан пастга тушмайди.
Фақат Қорақалпоғистон Республикаси ва Хоразм вилоятида жума ва якшанба кунлари иссиқлик бироз пасайиши мумкин. Бу ҳудудларда ҳарорат +35…+38 даража атрофида бўлади. Қолган вилоятларда термик депрессия таъсири туфайли қаттиқ иссиқлик сақланиб қолади.
Айрим ҳудудларда шамол тезлиги 13–18 м/с гача кучайиши ва бундан келиб чиқиб чанғ-тўзонлар кузатилиши мумкин. Бу, айниқса очиқ майдонларда фаолият юритаётганлар учун хавф туғдириши мумкин.
Мутасаддилар аҳолини қаттиқ иссиқдан ҳимоя қилиш чораларини кўришга, қуёш тўғридан-тўғри тушадиган соатларда кўчада юрмасликка чақирмоқда. Тана суюқлик балансига алоҳида эътибор қаратиш тавсия этиляпти.