Футбол бўйича нуфузли Transfermarkt портали Осиё терма жамоаларининг трансфер қиймати бўйича янгиланган рейтинги эълон қилди. Унга кўра, Ўзбекистон миллий жамоаси 69,58 млн евро баҳоси билан қитъадаги энг қиммат жамоа деб топилди.
Бу кўрсаткичга Ўзбекистон футболчиларининг Европа, БАА ва Саудия Арабистони чемпионатларидаги муваффақиятли ўйинлари сабаб бўлган. Хусусан, хориждаги футболчиларнинг бозор қиймати сезиларли даражада ўсгани жамоа умумий баҳосини оширишга хизмат қилди.
Иккинчи ўринни 50,90 млн евро кўрсаткичи билан БАА терма жамоаси эгаллаган. Учинчи поғонани эса Австралия эгаллаб, унинг футболчилари жами 36,13 млн еврога баҳоланган.
Тўртинчи ва бешинчи ўринларда Индонезия (34,90 млн евро) ва Эрон (30,95 млн евро) жойлашган. Япония (26,13 млн) ва Саудия Арабистони (25,20 млн) эса еттиликни якунламоқда. Қатар 23,98 млн евро билан саккизинчи, Жанубий Корея (18,08 млн), Ироқ (15,95 млн) ва Иордания (15,78 млн) эса биринчи ўнликни тўлдиради.
Рейтингда кейинги ўринларни Фаластин (12,78 млн), Хитой (12,63 млн), Сурия (12,55 млн) ва Малайзия (11,55 млн) каби жамоалар эгаллаган. Улар Осиёнинг энг қиммат 15 терма жамоаси қаторидан жой олган. Қолган ўнта жамоа орасида эса Уммон, Баҳрайн, Бангладеш, Тожикистон ва Ҳиндистон каби мамлакатлар бор.
Бугунги кунда Осиё футболи жадал ривожланмоқда ва футболчиларнинг бозордаги қиймати жамоалар даражаси ҳамда истиқболини белгилаб берадиган муҳим кўрсаткичга айланган.