Орбан бу маблағ Украина фойдасига йўналтирилса, Венгрия фермерлари ва иқтисодиётига салбий таъсир кўрсатишини айтди. Унинг таъкидлашича, Брюссел сиёсатини — жумладан, уруш, миграция ва гендер масалаларидаги ёндашувни — қўллаб-қувватлаган тақдирдагина Венгрия ўз улушини олади. «Бу каби шартларни ҳеч қачон қабул қилмайман», деди у.
Орбан бюджетга қарши овоз беришини расман маълум қилди. Бироқ бу сафар унинг позицияси қарорга таъсир ўтказмайди. Сабаби, Европа Иттифоқи бюджети малакали кўпчилик овоз билан қабул қилинади. Яъни, Венгриянинг ёлғиз қаршилиги бюджетни тўхтатиб қололмайди.
Бюджет лойиҳаси 16 июл куни Европа комиссияси томонидан тақдим этилди. Янги ҳафталик бюджет амалдаги 1,2 трлн евролик даврдан анча катта бўлиб, 1,98 трлн еврога етказилди. Ундан 100 миллиард евро Украина учун ажратилади.
Венгрия бу режага қатъий қарши. Орбандан ташқари, Венгрия Ташқи ишлар вазирлиги ҳам лойиҳани очиқ танқид қилди.