Озарбойжоннинг Хонкенди шаҳрида ўтган III глобал медиафорумида Украиналик журналист Илҳом Алиевга Украина қуролли кучлари жанговар бригадаларининг шевронларини совға қилди. Алиев ташаккур билдириб, «шундай курашишда давом этинглар», деди.
Озарбойжон президентининг бу маслаҳати ва Украина ҚК шевронларини қабул қилиб олган рус пропагандасининг янада алангалашига олиб келди. Россиянинг ҳарбий блоглари томонидан душманона муносабат сифатида баҳоланди ва Озарбойжон билан тўқнашув «муқаррар» деб эълон қилинди.
Шанба куни Хонкенди шаҳрида ўтган медиафорумда Алиев украиналик блогер Дмитрий Гордонга жавобан Украинани ҳеч қачон оккупацияга кўнмасликка чақирди. Шунингдек, у Грозний устида ҳаво ҳужумидан ҳимоя тизими томонидан ўт очилган AZAL авиалайнери бўйича халқаро судга шикоят беришга тайёрланаётганини маълум қилди.
Бу чиқиш ортидан Россиядаги бир қатор Z-блогерлар Бокуни НАТОнинг янги форпости деб аташди. «WarGonzo» канали муаллифи Семён Пегов Озарбойжонни «русофоб» деб таърифлаб, Россия унга қарши урушга тайёргарликни бошлаши кераклигини ёзди.
«Zаписки Vетерана» канали эса Озарбойжоннинг халқаро координата тизимига ўтишини геосиёсий оғиш, деб баҳолади. Юрий Подоляка эса Алиевни кескинликни кучайтиришда айблаб, уни фақат «куч билан тўхтатиш мумкин»лигини таъкидлади.
Шу билан бирга, айрим каналлар вазиятга эҳтиёткорлик билан ёндашмоқда. Масалан, «Архангел спецназа» муносабатларни қайта кўриб чиқиш кераклигини айтди, «Два-майора» эса Озарбойжондан қишлоқ хўжалиги маҳсулотлари импортни тўхтатишни таклиф қилди.