АҚШ Сенати аъзоси Линдси Грэҳэмнинг сўзларига кўра, Доналд Трамп Россия билан иқтисодий муносабатда бўлган давлатларга нисбатан янги ва қаттиқ иқтисодий чоралар кўради. Унинг таъкидлашича, Трамп Россия нефтини харид қилаётган мамлакатларга 100 фоизлик бож жорий этиш ниятида.
Грэм ушбу чоралар биринчи навбатда Хитой, Ҳиндистон ва Бразилия каби давлатларга қаратилганини айтди. Унинг фикрича, айнан шу уч мамлакат Россия нефти экспортининг тахминан 80 фоизини ташкил этади ва бу Путиннинг ҳарбий ҳаракатларини молиялаштиришда асосий манба бўлиб хизмат қилмоқда.
«Путин, сенинг навбатинг яқинлашмоқда. Президент Трамп сенга қарши кескин чоралар кўради. У Россия нефтини сотиб олувчиларга, жумладан, Хитой, Ҳиндистон ва Бразилияга бож қўймоқчи», — деди сенатор.
Грэмнинг сўзларига кўра, бу давлатлар яқин орада АҚШ иқтисодиёти ва Россия билан ҳамкорлик орасида танлов қилишга мажбур бўлади. Унинг фикрича, улар АҚШ иқтисодиётини афзал кўради.