Россия ташқи ишлар вазирлигининг илк раҳбари Андрей Козирев Истанбулда режалаштирилаётган музокаралардан ҳеч қандай муваффақият кутмаслигини айтди. Унга кўра, Владимир Путинни тўхтатишнинг ягона усули — Украина армиясини кучли қуроллар билан таъминлашдир.
Козирев DW билан суҳбатда Ғарб етакчилари фақат дипломатик «юмушлар» билан чекланиб қолгани, Киевга ташрифлар ҳам унча самара бермаётганини таъкидлади. «Санкциялар таҳдиди ҳам Путинга таъсир қилмаяпти. Хитой каби иттифоқчилар орқали у ҳар доим айланма йўл топмоқда», — деди у.
Козиревнинг фикрича, Путин Ғарб етакчилари билан гўёки «сичқон-мушук» ўйинини ўйнамоқда — европаликлар у билан музокара қилишга уринаётган бир пайтда, у уларни менсимасдан ўз йўлида давом этмоқда. «Энг қизиғи шундаки, бу ўйинда «мушук» ролини аслида заиф томон — яъни Россия ўйнамоқда, Ғарб эса ўзини «сичқо» каби тутаяпти. Бу эса жаҳон сиёсатида деярли учрамайдиган ҳолат», — деди у.