Startup Genome ҳисоботига кўра, Ўзбекистон сўнгги йилларда стартап-экосистемани шакллантириш ва жаҳон технологик сармоядорлари эътиборини жалб қилиш бўйича Марказий Осиёда энг тез ривожланаётган давлатга айланди.
Доналд Трампга тегишли Trump Organization компанияси АҚШда ишлаб чиқариладиган смартфон ва мобил алоқа хизмати – Trump Mobile’ни тақдим этмоқчи. Янги қурилма август ойида намойиш этилади.
IT Park Uzbekistan «President Tech Award» танловини эълон қилди. У технологик йўналишлардаги ёш иқтидорларни қўллаб-қувватлашга қаратилган бўлиб, умумий мукофот жамғармаси 1 млн долларни ташкил этади.
Россия Бош вазири Михаил Мишустин мамлакатда техник ривожланишни таъминлаш учун чет эл технологияларини нусхалаш ва уларни ишлаб чиқаришга мослаштиришга чақирди. Бу, унинг таъкидлашича, саноат миқёсини кенгайтиришнинг асосий йўли бўлади.
Россияда рақамли суверенитетни мустаҳкамлаш ва хорижий платформаларга боғлиқликни камайтириш мақсадида янги миллий хабар алмашиш иловаси ишлаб чиқилади. Лойиҳа Telegram ва WhatsApp каби хизматларга рақобатчи сифатида назарда тутилмоқда.
Япониянинг машҳур «The Mainichi» нашри экологик ташаббус доирасида ўзига хос газета ишлаб чиқарди — уни ўқиб бўлгач, ерга экиш мумкин. Газета гулларга айланади.
Франциядаги суд ишларига қарамасдан, Telegram мессенжери 2024 йилда 540 млн доллар фойда олди. Павел Дуровга нисбатан жиноий айбловлар қўйилган бўлса-да, компания ўз фаолиятини кенгайтиришда давом этмоқда.
