Биткоин икки ҳафтада қарийиб 31 фоизга қимматлади

Август ойининг иккинчи ярмидан бошлаб биткоин нархи-кескин кўтарилди. 17-августда криптовалюта тахминан 62,8 минг доллардан савдо қилинган бўлса, 19-августга келиб 69,3 минг долларга етди.

Ўсиш кейинги кунларда ҳам давом этди. 21-август куни биткоин нархи 79,5 минг долларга чиқди. 28-августда эса 81,4 минг долларгача кўтарилди.

Шундан кейин криптовалюта-нархи-бироз пасайиб, август ойи охирида 78,6 минг доллар атрофида шаклланди. Бироқ сентябрь бошида ўсиш яна тикланди ва 3-сентябр куни биткоин 82,2 минг долларгача қимматлади.

17-августдан 3-сентябргача бўлган даврда биткоин нархи қарийб 19,4 минг долларга ошди. Бу икки ҳафтадан сал кўпроқ вақт ичида 31 фоизлик ўсишни англатади.

Нарх кўтарилишига нима таъсир қилди?

«Reuters» нашри биткоин қиймати ошишининг асосий омиллари сифатида АҚШ долларининг заифлашиши ва АҚШ Ғазначилигининг узоқ муддатли давлат облигацияларини қайта сотиб олиш режасини келтирган.

Биткоиннинг 82,2 минг долларга чиқиши сўнгги уч ойдаги энг юқори кўрсаткич бўлди. 4-сентябр ҳолатига кўра, криптовалюта 81 минг доллар атрофида савдо қилинмоқда.

Шунга қарамай, жорий нарх биткоиннинг тарихий максимумига нисбатан анча паст. Криптовалюта 2025 йил 6-октябрда рекорд даражага чиқиб, 126 минг доллардан ошган эди.