«Soliq» ilovasida 204 ming kishi «shubhali» deb topildi

Bugun 22:032 daqiqa

Soliq qo‘mitasi bu qaror ortidagi sabablarga izoh berdi.

«Soliq» ilovasida 204 ming kishi «shubhali» deb topildi

Soliq qo‘mitasi so‘nggi kunlarda «Soliq» mobil ilovasida ko‘plab fuqarolarga «shubhali foydalanuvchi» maqomi berilgani yuzasidan rasmiy bayonot berdi.

Qo‘mita ma’lumotiga ko‘ra, bu chora ijtimoiy keshbek tizimidan noqonuniy foydalanish holatlarining oldini olish maqsadida ko‘rilmoqda.

Qayd etilishicha, davlat tomonidan «Ijtimoiy himoya yagona reyestri»ga kiritilgan aholi qatlamlarini qo‘llab-quvvatlash maqsadida to‘qqiz turdagi mahsulot va xizmatlar uchun 1 foiz keshbek o‘rniga, xarid summasidan to‘langan QQS qaytarish belgilangan. Unga go‘sht mahsulotlari, tuxum, o‘simlik yog‘i, un, shakar, dori vositalari va tibbiy xizmatlar kiradi.

Biroq qo‘mita ma’lum qilishicha, ayrim shaxslar va tadbirkorlar ushbu tizimdan noqonuniy manfaat ko‘rish maqsadida foydalanishga uringan.

35 milliard so‘mlik sxema fosh etildi

Soliq qo‘mitasi va huquqni muhofaza qiluvchi organlar o‘tkazgan tekshiruvlar natijasida Andijon viloyatida bir guruh shaxslar tomonidan «Soliq» mobil ilovasi orqali 35,1 milliard so‘m mablag‘ni keshbek ko‘rinishida talon-toroj qilish holati aniqlangan.

Shuningdek, tekshiruv davomida «Ijtimoiy himoya yagona reyestri»dagi fuqarolarga mahsulot va xizmatlar sotgan 649 ta korxona faoliyati ham o‘rganilmoqda.

Qo‘mita ma’lumotlariga ko‘ra, mazkur korxonalar 2025–2026 yillarda onlayn nazorat-kassa texnikasi orqali 36,8 trillion so‘mlik operatsiyalarni rasmiylashtirgan va 771,1 ming nafar fuqaroga 347,9 milliard so‘m keshbek to‘langan.

102 milliard so‘mlik to‘lov to‘xtatildi

Tekshiruvlar natijasida 204,1 ming nafar fuqaro «shubhali xaridorlar reyestri»ga kiritilgan.

Natijada ushbu shaxslarga 2026 yil aprel oyi uchun hisoblangan 102,5 milliard so‘mlik ijtimoiy keshbek mablag‘larini qaytarish vaqtincha to‘xtatilgan.

Teglar

Andijon keshbek Soliq fuqaro chek

Mavzuga oid

Bugun 20:20

Peskovning O‘zbekistonga da’vati, Armaniston-Rossiya munosabatlaridagi keskinlik va Ukraina urushidagi burilish pallasi | Fikr vaqti

Kreml Yerevanni Ukraina qismati bilan ogohlantirmoqda, dronlar urushni Rossiya ichkarisiga ko‘chirdi, Peskov esa Toshkentni YOIIga chorlamoqda. Dunyo va mintaqa taqdirini belgilayotgan uchta keskin geosiyosiy to‘qnashuv — «Fikr vaqti»da.

Bugun 19:55

Yevropa rad etgan migrantlarni O‘zbekiston qabul qiladimi?

«Politico» nashri Yevropa o‘zi qabul qilishni istamagan noqonuniy migrantlarni O‘zbekiston va Qozog‘istonga jo‘natmoqchi ekani haqida yozdi. Vaqt.uz mazkur xabar yuzasidan TIV matbuot kotibidan rasmiy izoh oldi.

Kecha 20:50

O‘zbekistonda go‘sht narxi o‘smoqda: import qisqarishi bozorga qanday ta’sir qildi?

Ayni vaqtda import hajmlari qisqarib, O‘zbekiston qo‘shni davlatlar bilan taqqoslaganda ham eng qimmat bozorlardan biri bo‘lib qolmoqda.

Bugun 20:58

Qizilqum cho‘lida anomal yomg‘irlardan so‘ng yirik ko‘l paydo bo‘ldi

Suv havzasining hajmi Chorvoq suv ombori bilan taqqoslanmoqda.

Kecha 21:39

O‘n bir yillik taqiq: dronlar xavfmi yoki qo‘ldan boy berilayotgan imkoniyat?

Dunyo dronlardan iqtisodiyot, logistika va hatto urushlarda foydalanayotgan bir paytda, O‘zbekiston hanuz ulardan qanday foydalanish kerakligi haqida qaror qabul qilish arafasida turibdi. VAQT.UZ dronlarga oid cheklov xronologiyasi, so‘nggi o‘zgarishlar va xorij tajribasini tahlil qildi.

Bugun 13:55

Andijonda 35 mlrd so‘mlik keshbekni talon-taroj qilganlar ushlandi

Andijon viloyatida bir guruh shaxslar soxta hisob-fakturalar va xarid cheklari orqali «Soliq Mobile» tizimidan 35,1 mlrd so‘m budjet mablag‘ini noqonuniy o‘zlashtirganligi ma’lum bo‘ldi.