Тошкент ва Андижон ўртасида иккинчи тезюрар электропоезд қатнови йўлга қўйилмоқда
Мазкур электропоезд 5 та эконом тоифадаги вагондан иборат бўлиб, жами 415 нафар йўловчига мўлжалланган.
© vaqt.uzТошкент — Андижон — Тошкент йўналишида йўловчиларга қулайлик яратиш мақсадида иккинчи тезюрар «CRRC-Daliyan» электропоезди қатнови йўлга қўйилмоқда. Бу ҳақда «Ўзтемирйўлйўловчи» АЖ матбуот хизмати маълум қилди.
732/731-сонли йўловчи поезди таркиби замонавий электропоездга алмаштирилиб, қатновлар амалдаги ҳаракатланиш кунларида қуйидаги жадвал асосида амалга оширилади:
— 732-сонли «Тошкент — Андижон» (2026 йил 21 октябрдан): Тошкент-Йўловчи вокзалидан 18:40 да жўнаб, Андижон-1 вокзалига 23:12 да етиб боради.
— 731-сонли «Андижон — Тошкент» (2026 йил 22 октябрдан): Андижон-1 вокзалидан 07:20 да жўнаб, Тошкент-Йўловчи вокзалига 12:12 да етиб келади.
Мазкур электропоезд 5 та эконом тоифадаги вагондан иборат бўлиб, жами 415 нафар йўловчига мўлжалланган.
Электропоездни ҳафталик техник кўрикдан ўтказиш муносабати билан 2026 йил 26 октябрдан бошлаб ҳар душанба куни 730/729-сонли «Тошкент — Андижон — Тошкент» қатнови бекор қилинади. Шунингдек, қатор поездларнинг ҳаракат жадвалига қуйидагича ўзгартиришлар киритилади:
— 21 октябрдан — 125/126-сонли «Андижон — Хива/Урганч», 129/130-сонли «Андижон — Термиз», 127/128-сонли «Андижон — Қўнғирот», шунингдек, 6312, 7091, 7093 ва 7094-сонли маҳаллий қатновлар;
— 222 октябрдан — 95/97-сонли «Андижон — Тошкент»;
— 224 октябрдан — 93-сонли «Андижон — Тошкент» ҳамда 98/94-сонли «Тошкент — Андижон»;
— 225 октябрдан — 734/92-сонли «Тошкент — Андижон»;
— 226 октябрдан — 733-сонли «Андижон — Тошкент»;
— 227 октябрдан — 91-сонли «Андижон — Тошкент».
Қўшимча қилинишича, 130/129-сонли «Термиз — Андижон» поездининг 20 октябрдан Термиздан жўнайдиган қатнови учун Тошкент-Жанубий — Андижон қисмидаги янги жадвал 21 октябрдан амал қилади.
