Vashingtonda «O‘zbek mahallasi» tashkil etildi

Bugun 12:551 daqiqa

Vashington shtati kotibi Stiv Xobbs uni qonuniy tan oldi va shtat hukumati tomonidan rasman ro‘yxatdan o‘tkazildi.

Vashingtonda «O‘zbek mahallasi» tashkil etildi

Amerikaning Vashington shtati Sietl shahrida yashovchi o‘zbekistonliklar tashabbusi bilan «O‘zbek mahallasi» deb nomlanuvchi rasmiy jamoat tashkiloti tashkil etildi. Bu haqda «Dunyo» axborot agentligi xabar berdi.

Assotsiatsiya Vashington shtati kotibi Stiv Xobbs tomonidan qonuniy tan olindi va shtati hukumati tomonidan rasman ro‘yxatdan o‘tkazildi.

Hozirda Vashington shtatida 3000 dan ortiq vatandosh yashaydi. Ularning aksariyati Sietl va uning atrofidagi hududlarda istiqomat qiladi. Ko‘plab o‘zbekistonliklar Microsoft, Amazon, Google, Boeing, Oracle va NVIDIA kabi yetakchi global texnologiya va transmilliy kompaniyalarda turli lavozimlarda faoliyat yuritadi.

AQSH davlat boshqaruvi tizimida 15 yildan ortiq tajribaga ega Musa Xolmurodov «O‘zbek mahallasi» raisi etib tayinlandi. Uyushmaning asosiy vazifalari o‘zbekistonliklar o‘rtasida birlikni mustahkamlash, milliy bayramlar va madaniy tadbirlarni tashkil etish, Qo‘shma Shtatlarga yaqinda borgan vatandoshlarning ijtimoiy moslashuviga ko‘maklashish va yosh avlod o‘rtasida o‘z ona tili, milliy an’analari va madaniy merosiga chuqur hurmatni shakllantirishdan iborat.

Teglar

Vashington o‘zbekistonliklar o‘zbeklar Sietl AQSH O‘zbek mahallasi

Mavzuga oid

Bugun 08:30

Kreml uchun «qizil chiroq»: Rossiya jamiyatida tashvish va ishonchsizlik kuchaymoqda

Sotsiologlar prezidentga nisbatan ishonch va uning faoliyatini ma’qullash darajasi tushib ketganini qayd etishmoqda. VSIOM so‘rovnomasiga ko‘ra, respondentlarning Vladimir Putin ishiga bergan bahosi so‘nggi ikki yil ichida eng keskin darajada yomonlashgan. Reytinglar aprel oyidan buyon pasaymoqda. Ayni paytda, jamiyatda tashvishli kayfiyat kuchaygan. Va bularning barchasi sentabr oyida bo‘lib o‘tadigan Davlat dumasi saylovlari arafasida yuz bermoqda.

Kecha 08:00

Pul izini yashirish san’ati: Kriptovalyutalar dunyo siyosatiga ta’sir ko‘rsatmoqda

Donald Tramp kriptovalyutalarning ashaddiy tanqidchisidan ularning faol himoyachisiga aylandi. Bu orada esa uning oilasi mazkur sohadan yuzlab million dollar daromad ko‘rishni boshladi. Xo‘sh, bu shunchaki tasodifmi?

Bugun 11:15

Rossiya dizel eksportiga taqiq qo‘ydi

Taqiq iyul oxirigacha davom etadi.

Kecha 12:02

O‘zbekistonda zargarlik buyumlari raqamli markirovkalanishi mumkin

Mamlakatda zargarlik buyumlarini raqamli markirovkalash bosqichma-bosqich joriy etish taklif qilinmoqda. Tizim har bir buyum harakatini kuzatish imkonini beradi.

Bugun 11:45

Qozog‘iston bank aktivlari rekord darajada oshdi

So‘nggi besh yil ichida Qozog‘iston banklarining umumiy aktivlari ikki baravardan ko‘proqqa oshdi.

Bugun 09:30