Доналд Трампнинг бойлиги 1,1 млрд долларга камайди
Трамп оиласига тегишли компания акцияларининг кескин арзонлашиши АҚШ президентининг умумий бойлигини камайтирди.
АҚШ президенти Доналд Трампнинг бойлиги сентябр ойидан буён 1,1 миллиард долларга камайди, дея хабар қилмоқда Forbes.
Қайд этилишича, Трамп бойлигининг камайишига унинг оиласига тегишли «Trump Media and Technology Group» компанияси акцияларининг кескин арзонлаши ва криптовалюта бозоридаги пасайишлар сабаб бўлган.
Маълумотларга кўра, Трампнинг умумий активлари ҳозир 6,2 миллиард долларга баҳоланмоқда. Сентябрда бу рақам 7,3 миллиард долларгача кўтарилиб, рекорд даражага етган эди. Жума куни DJT тиккери остида сотиладиган «Trump Media and Technology Group» компанияси акциялари 10,18 минг долларгача тушиб кетди.
«Trump Media and Technology Group» компанияси молиявий муаммоларга дуч келмоқда. Компания учинчи чоракда 973 минг долларлик даромадга тескари равишда 54,8 миллион доллар зарар қайд этган. Биткоиндаги 48 миллион долларлик йўқотиш Cronos криптовалютаси орқали 33 миллион долларлик фойда билан қисман қопланган.
Маълумот учун, сентябр ҳолатида Трампнинг бойлиги бир йил ичида 3 миллиард долларга ўсган ва Forbes 400 рўйхатида уни 201-ўринга олиб чиққан эди. Бундай ўсиш асосан Трамплар оиласининг криптобозорга кириши ва World Liberty Financial лойиҳасидаги улуши билан боғланган.
