Озарбойжон президенти рафиқаси билан бирга Бухорога борди

Бугун 16:341 дақиқа

Бухоро халқаро аэропортида олий мартабали меҳмонларни Шавкат Мирзиёев ва рафиқаси кутиб олди.

Озарбойжон президенти рафиқаси билан бирга Бухорога борди

Озарбойжон президенти Илҳом Алиев рафиқаси Меҳрибон Алиева билан Ўзбекистонга давлат ташрифи доирасида Бухоро шаҳрига келди.

Бухоро халқаро аэропортида олий мартабали меҳмонларни Ўзбекистон президенти Шавкат Мирзиёев ва рафиқаси кутиб олди. Аэропортда тантанали кутиб олиш маросими ташкил этилди.

Бугун Шавкат Мирзиёев ва Илҳом Алиев қадимий Бухоронинг тарихий обидаларини зиёрат қилиши кутилмоқда. Шунингдек, саноат корхоналари фаолияти билан танишиш ҳам режалаштирилган.

Аввалроқ Шавкат Мирзиёев саммитнинг иккинчи куни тадбирларида иштирок этиш учун Бухоро шаҳрига келган эди.

Президент ташрифи хайрли амалдан — Баҳоуддин Нақшбанд мақбараси зиёратидан бошланди. Бу ерда Қуръон оятлари тиловат қилиниб, халқимизга тинчлик ва фаровонлик тилаб дуо ўқилди.

Мажмуа ислом оламининг улуғ қадамжоларидан бири ҳисобланади. Мазкур зиёратгоҳ Нақшбандия тариқатининг асосчиси Баҳоуддин Нақшбанд дафн этилган жойда барпо этилган бўлиб, бугунги кунда мақбара, хонақоҳ, масжидлар, дахма ва сўфийлик тарихи музейини ўз ичига олади.

Теглар

Озарбойжон ташриф Бухоро Илҳом Алиев Шавкат Мирзиёев Меҳрибон Алиева

Мавзуга оид

Бугун 15:55

Ўзбекистон ва Озарбойжон пенсия тайинлашда иш стажини ўзаро ҳисобга олади

Икки давлат ўртасида янги имзоланган битимга кўра, бир давлатдаги иш стажи пенсия учун етарли бўлмаса, иккинчи мамлакатда орттирилган стаж ҳам ҳисобга олинади.

Кеча 19:00

Кредит реструктуризацияси: қандай қилиб кредитни вақтинча тўламаслик мумкин?

Молиявий қийинчиликка учраган қарздор банкдан кредит муддатини узайтириш, фоиз ставкасини қайта кўриб чиқиш ёки жарима ва пеняларни камайтиришни сўраши мумкин. Банк бундай аризани қабул қилиш, ўзининг очиқ мезонлари асосида кўриб чиқиш ва рад этса, қарорини асослантиришга мажбур. Бироқ мурожаатнинг ўзи қарздорга автоматик равишда имтиёз берилишини англатмайди.

Бугун 15:15

Кибертаҳдидларга қарши янги институт ташкил этилди

Ўзбекистонда Криптология, ахборот хавфсизлиги ва инновацион технологиялар институти ташкил этилди. У кибертаҳдидларга қарши техник воситалар ишлаб чиқиш, идораларни киберхавфсизлик талабларига мувофиқлигини текшириш вазифаларини бажаради.

Кеча 20:45

Уй-жойлардан банк ва заводларгача: Ўзбекистон хусусийлаштиришининг 35 йили

Мустақилликнинг илк йилларида хусусийлаштириш, аввало, одамларни уй-жой ва кичик бизнес эгасига айлантирди. 2017 йилдан кейинги тўлқин эса банк, кимё, цемент, автомобилсозлик, тўлов тизими ва телекоммуникациядаги йирик активларга етиб борди. Рекорд савдо ҳажмлари ислоҳот тезлашганини кўрсатади. Аммо улар давлатнинг иқтисодиётдаги оғирлиги кескин камайганини ҳали англатмайди.

Бугун 09:32

Мирзиёев Тўқаевни янги Қурултой сайлови билан табриклади

Ўзбекистон президенти Қозоғистондаги парламент сайловлари якунлари муносабати билан Тўқаевга мактуб йўллади.

Бугун 13:25

Низомий номидаги Ўзбекистон Миллий педагогика университетининг янги кампуси очилди

Шавкат Мирзиёев ва Илҳом Алиев Янги Тошкентда Низомий номидаги Ўзбекистон Миллий педагогика университетининг янги кампусини тантанали очиш маросимида иштирок этди.