Ўзбекистон компаниялари Гонконг биржасига чиқиши мумкин
Ўзбекистон компаниялари учун Гонконг фонд биржасига чиқиш имконияти пайдо бўлиши мумкин. Бу маҳаллий бизнесга халқаро инвесторларни жалб қилиш ва жаҳон капитал бозорига чиқиш йўлини очади.
© Foto: https://t.me/uzseofficial/58878 май куни Тошкент Фонд биржаси раҳбарияти Хитойнинг молиявий хизматлар ва ғазначилик бўйича котиби Кристофер Хуэй бошчилигидаги делегация билан учрашув ўтказди. Бу ҳақда биржа ахборот хизмати хабар берди.
Учрашувда Гонконг молия институтларининг Ўзбекистон капитал бозорини ривожлантиришдаги иштироки ва икки томонлама ҳамкорлик истиқболлари муҳокама қилинган.
Томонлар маҳаллий компанияларни халқаро IPO бозорларига олиб чиқиш, акцияларни Гонконг фонд биржаси (HKEX) орқали жойлаштириш ҳамда икки томонлама листинг механизмларини ишлаб чиқиш имкониятларига алоҳида эътибор қаратди.
Шунингдек, маҳаллий инвесторлар учун Гонконг молиявий воситаларидан фойдаланиш имкониятларини яратиш масаласи ҳам муҳокама қилинди. Гонконг томони Ўзбекистон компанияларини жаҳон капитал бозорларига интеграция қилишга кўмак беришга тайёрлигини билдирган.
Музокараларда замонавий капитал бозорини шакллантириш учун инвесторлар эҳтиёжларига мос молиявий инструментларни ривожлантириш муҳимлиги таъкидланди.
Бундан ташқари, HKEX ва Тошкент фонд биржаси ўртасида амалий ҳамкорликни кенгайтириш бўйича қатор ташаббуслар кўриб чиқилди. Улар қаторида облигациялар, ETF фондлари, токенлаштирилган активлар, ҳосилавий молиявий воситалар бозорини ривожлантириш ҳамда платформаларнинг технологик интеграцияси бор.
Эслатиб ўтамиз, аввалроқ Миллий инвестиция жамғармаси акциялари илк бор дуал листинг доирасида Тошкент РФБ биржа котировкалаш варағига киритилгани ҳақида хабар берилган эди.
