O‘zbekistonda dollarga bo‘lgan talab 17,7 foizga oshdi

Кеча 22:111 дақиқа

Joriy yil yanvar-iyul oylarida valutaga bo‘lgan talab 38,2 mlrd dollarga yetdi, so‘m 0,4 foiz mustahkamlandi.

O‘zbekistonda dollarga bo‘lgan talab 17,7 foizga oshdi

2026 yil yanvar-iyul oylarida yuridik va jismoniy shaxslarning chet el valutasiga bo‘lgan jami talabi 38,2 mlrd dollarni tashkil qildi. Bu ko‘rsatkich 2025 yilning mos davriga nisbatan 17,7 foizga ko‘p. Bu haqda Markaziy bank matbuot xizmati xabar berdi.

Ma’lum bo‘lishicha, 2025 yilning mazkur davrida mamlakatda chet el valutasiga bo‘lgan jami talab 32,5 mlrd dollar bo‘lgan.

Taklif ham o‘sdi

Qayd etilishicha, yuridik va jismoniy shaxslarning chet el valutasi jami taklifi 2025 yilning mos davriga nisbatan 7,2 mlrd dollar yoki 28 foizga oshib, 33 mlrd dollarga yetgan.

2026 yilning yanvar-iyul oylarida aholi tomonidan tijorat banklariga 14,6 mlrd dollar sotilgan bo‘lsa, yuridik shaxslar tomonidan sotilgan valuta mablag‘lari 18,4 mlrd dollarni tashkil etgan.

So‘m 0,4 foiz mustahkamlandi

Hisobot davrida dollar kursi 11 910–12 320 so‘m oralig‘ida o‘zgarib turgan. Shu bilan birga, yanvar-iyul oylari yakuniga ko‘ra, milliy valuta dollarga nisbatan qariyb 0,4 foizga mustahkamlangan.

Kurs tebranishining o‘rtacha ko‘rsatkichi 32 so‘m yoki 0,27 foizni tashkil etgan. 2025 yilning shu davrida bu ko‘rsatkich 28,2 so‘m yoki 0,22 foiz bo‘lgan.

Теглар

dollar so‘m valuta talab taklif Markaziybank

Мавзуга оид

16.08.2026 | 16:55

Toshkentda yuqori quvvatda ishlayotgan korxonalar ulushi 43 foizdan 61 foizga oshdi

Toshkent shahri va viloyatida tadbirkorlarning 53 foizi biznes sharoitlari yaxshilanganini bildirgan. Shu bilan birga, yuqori quvvatda ishlayotgan korxonalar ulushi bir yilda 43 foizdan 61 foizga yetgan.

Кеча 08:30

Talabalar yotoqxonalari 2030 yilgacha yetarli bo‘ladi — vazir

Oliy ta’lim, fan va innovatsiyalar vaziri Qo‘ng‘irotboy Sharipovga ko‘ra, so‘nggi 10 yilda 100 ming o‘rinli yotoqxonalar qurilgan. Biroq avvalgi davlat dasturida belgilangan 109,7 ming o‘rinlik rejaning qariyb uchdan biri bajarilmay qolgan.

Кеча 09:00

UzBATning tushumi 86 mlrd so‘mga, foydasi esa 47 mlrd so‘mga qisqardi

O‘zbekistondagi yetakchi tamaki ishlab chiqaruvchilardan biri bo‘lgan UzBAT 2026-yilning birinchi yarmida 1,78 trln so‘m tushum oldi. Tushum qisqarganiga qaramay, kompaniya 676 mlrd so‘m sof foyda ko‘rdi.

16.08.2026 | 22:10

O‘zbekistonda tashqi savdoda vositachilar uchun yangi shartnoma turi joriy etilishi mumkin

Yangi tartib vositachilarga xorijiy hamkorlardan kelgan mablag‘larni tranzit sifatida o‘tkazish va xizmat haqini ushlab qolish imkonini beradi.

Кеча 11:23

Shavkat Mirziyoyev Xorazmga jo‘nab ketdi

Tashrif doirasida tadbirkorlar bilan navbatdagi ochiq muloqot bo‘lib o‘tadi.

Кеча 16:30

Prezident Xorazmdagi 11 mln dollarlik korxona va yangi texnikumni ko‘zdan kechirdi

Shavkat Mirziyoyev Xorazmdagi tashrifi chog‘ida Urganchdagi sutni qayta ishlash majmuasi va zamonaviy kasbiy ta’lim markazining imkoniyatlari bilan tanishdi.