Ўзбекистонда ҳисобда бўлмаган 985 минг гектар ер аниқланди

Бугун 13:251 дақиқа

Қишлоқ хўжалигини рўйхатга олиш натижасида ҳисобда акс этмаган 985,5 минг гектар ернинг чегараси ва тоифаси аниқлаштирилди. Шундан 789,5 минг гектари экин ерлари, 14,1 минг гектари иссиқхоналар, 75,3 минг гектари боғлар, 21,4 минг гектари токзорлар ва 85 минг гектари балиқчилик ҳавзаларига тўғри келади.

Ўзбекистонда ҳисобда бўлмаган 985 минг гектар ер аниқланди

Ўзбекистонда қишлоқ хўжалигини рўйхатга олиш натижасида аввал ҳисобда акс этмаган 985,5 минг гектар ернинг чегараси ва тоифаси аниқланди. Бу ҳақда 2-сентябр куни президент Шавкат Мирзиёевга тақдим этилган рўйхатга олиш якунлари бўйича тақдимотда маълум қилинди.

Аниқланган ерларнинг 789,5 минг гектари экин майдонлари, 75,3 минг гектари боғлар, 21,4 минг гектари токзорлар, 14,1 минг гектари иссиқхоналар ва 85 минг гектари балиқчилик ҳавзаларига тўғри келади.

Рўйхатга олиш натижалари асосида аҳоли ва қишлоқ хўжалигининг доимий янгиланадиган статистик регистрлари шакллантирилади. Шунингдек, ижтимоий-иқтисодий ривожланиш бўйича 100 та ҳамда қишлоқ хўжалиги ва экин майдонларига оид 50 та кўрсаткич янгиланади.

Статистика қайта ҳисобланади

Рўйхатга олиш маълумотлари асосида 2017–2025-йиллар учун миллий ҳисоблар кўрсаткичлари ҳам қайта баҳоланади. Президент мутасаддиларга янги маълумотларни чуқур таҳлил қилиш ва улардан давлат дастурларини ишлаб чиқишда самарали фойдаланиш бўйича топшириқ берди.

Миллий статистика тизимини 2030-йилгача ривожлантириш режалари ҳам кўриб чиқилди. 2027-йил 1-июлга қадар Миллий маълумотлар платформасини ишга тушириш режалаштирилмоқда.

Шунингдек, 2026-йил 15-октябрдан 30-ноябрга қадар бизнесни рўйхатга олиш тадбири ўтказилиши таклифи маъқулланди.

Янги маълумотлар қишлоқ хўжалиги ресурсларини аниқ ҳисобга олиш ва давлат дастурларини ишлаб чиқишда статистик базани янгилаш имконини беради.

Теглар

статистика қишлоқхўжалиги Мирзиёев рўйхатгаолиш иқтисодиёт ер

Мавзуга оид

Бугун 12:45

Энди ҳокимлар ҳафтада уч кун фақат камбағаллик ва бандлик масалалари билан шуғулланади

Ҳар бир вилоят ва туманда ҳоким бошчилигида штаблар ташкил этилади. Банклар ва бандликка кўмаклашиш идоралари ушбу штабларга жойлардаги масалаларни ҳал этишга кўмаклашади.

Бугун 11:15

Қозоғистонга киришнинг янги қоидалари: ўзбекистонликлар нимани билиши керак?

1 ноябрдан бошлаб Қозоғистонга борувчи чет эл фуқаролари, жумладан ўзбекистонликлар учун мажбурий электрон рухсатнома олиш тартиби босқичма-босқич жорий этилади. Сафардан камида 72 соат олдин «QazETA» платформаси орқали расмийлаштирилиши лозим бўлган бу ҳужжатсиз чегарадан ўтиб бўлмайди.

Кеча 21:35

«Ўзбекфилм»нинг 1 млрд сўмлик солиқ қарзи тўланди

Кинематография агентлиги директори Жаҳонгир Аҳмедовнинг маълум қилишича, энди асосий эътибор ходимларнинг 3 миллиард сўмдан зиёд ойлик маош қарзини тўлашга қаратилади.

Кеча 20:17

Ўзбекистонликлар 15 сентябрдан Таиландга визасиз боролмайди

Таиландга саёҳат қилувчи ўзбекистонликлар учун амалдаги 60 кунлик визасиз қолиш тартиби ўзгаради. Ҳукумат янги рўйхатни эълон қилди.

Кеча 18:19

246 триллион сўмлик хуфиёна иқтисодиёт: Ўзбекистонда бизнес тўлиқ хатловдан ўтказилади

Президент Шавкат Мирзиёевга тақдим этилган миллий статистика ислоҳоти доирасида носоғлом рақобатга барҳам бериш мақсадида 15 октябрдан 30 ноябргача республика бўйлаб бизнес субъектлари хатловдан ўтказилади.

Бугун 10:45