O‘zbekistonda hisobda bo‘lmagan 985 ming gektar yer aniqlandi

Бугун 13:251 дақиқа

Qishloq xo‘jaligini ro‘yxatga olish natijasida hisobda aks etmagan 985,5 ming gektar yerning chegarasi va toifasi aniqlashtirildi. Shundan 789,5 ming gektari ekin yerlari, 14,1 ming gektari issiqxonalar, 75,3 ming gektari bog‘lar, 21,4 ming gektari tokzorlar va 85 ming gektari baliqchilik havzalariga to‘g‘ri keladi.

O‘zbekistonda hisobda bo‘lmagan 985 ming gektar yer aniqlandi

O‘zbekistonda qishloq xo‘jaligini ro‘yxatga olish natijasida avval hisobda aks etmagan 985,5 ming gektar yerning chegarasi va toifasi aniqlandi. Bu haqda 2-sentabr kuni prezident Shavkat Mirziyoyevga taqdim etilgan ro‘yxatga olish yakunlari bo‘yicha taqdimotda ma’lum qilindi.

Aniqlangan yerlarning 789,5 ming gektari ekin maydonlari, 75,3 ming gektari bog‘lar, 21,4 ming gektari tokzorlar, 14,1 ming gektari issiqxonalar va 85 ming gektari baliqchilik havzalariga to‘g‘ri keladi.

Ro‘yxatga olish natijalari asosida aholi va qishloq xo‘jaligining doimiy yangilanadigan statistik registrlari shakllantiriladi. Shuningdek, ijtimoiy-iqtisodiy rivojlanish bo‘yicha 100 ta hamda qishloq xo‘jaligi va ekin maydonlariga oid 50 ta ko‘rsatkich yangilanadi.

Statistika qayta hisoblanadi

Ro‘yxatga olish ma’lumotlari asosida 2017–2025-yillar uchun milliy hisoblar ko‘rsatkichlari ham qayta baholanadi. Prezident mutasaddilarga yangi ma’lumotlarni chuqur tahlil qilish va ulardan davlat dasturlarini ishlab chiqishda samarali foydalanish bo‘yicha topshiriq berdi.

Milliy statistika tizimini 2030-yilgacha rivojlantirish rejalari ham ko‘rib chiqildi. 2027-yil 1-iyulga qadar Milliy ma’lumotlar platformasini ishga tushirish rejalashtirilmoqda.

Shuningdek, 2026-yil 15-oktabrdan 30-noyabrga qadar biznesni ro‘yxatga olish tadbiri o‘tkazilishi taklifi ma’qullandi.

Yangi ma’lumotlar qishloq xo‘jaligi resurslarini aniq hisobga olish va davlat dasturlarini ishlab chiqishda statistik bazani yangilash imkonini beradi.

Теглар

iqtisodiyot statistika Mirziyoyev yer qishloqxo‘jaligi ro‘yxatgaolish

Мавзуга оид

Бугун 12:45

Endi hokimlar haftada uch kun faqat kambag‘allik va bandlik masalalari bilan shug‘ullanadi

Har bir viloyat va tumanda hokim boshchiligida shtablar tashkil etiladi. Banklar va bandlikka ko‘maklashish idoralari ushbu shtablarga joylardagi masalalarni hal etishga ko‘maklashadi.

Кеча 23:10

Arzonlashadigan bojxona to‘lovlari, TOP-5 bankka xaridor bo‘layotgan gruzinlar va biznesni kutayotgan xatlov — 2-sentabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Бугун 10:45

Toshkentda avtomobillar oqimi bir kunda 30 foizga oshdi

Yangi o‘quv yilining birinchi kuni poytaxt ko‘chalarida avtomobillar soni keskin ko‘paydi. Shunga qaramay, tirbandlik 6 balldan oshmadi.

Бугун 13:10

Tumanlarda bir kishini kambag‘allikdan chiqarishga qancha pul sarflangani aytildi

Bankdan kredit olib, biznesini yurgiza olmagan 62 kishi kreditni qaytarishga qiynalyapti. Davlat rahbarining aytishicha, buning sababi atigi mingta mahalladagi hokim yordamchisi va mahalla bankiri «loyihaviy yondashuv» asosida ishlashni biladi.

Бугун 11:15

Qozog‘istonga kirishning yangi qoidalari: o‘zbekistonliklar nimani bilishi kerak?

1-noyabrdan boshlab Qozog‘istonga boruvchi chet el fuqarolari, jumladan o‘zbekistonliklar uchun majburiy elektron ruxsatnoma olish tartibi bosqichma-bosqich joriy etiladi. Safardan kamida 72 soat oldin «QazETA» platformasi orqali rasmiylashtirilishi lozim bo‘lgan bu hujjatsiz chegaradan o‘tib bo‘lmaydi.

Кеча 19:25