Yashil iqlim jamg‘armasi Tojikiston uchun 190 million dollarlik yangi loyihalarni ma’qulladi
30 million dollarlik birinchi loyiha Tojikiston bo‘ylab 14 ta shahar va tumanni qo‘llab-quvvatlaydi. Ikkinchi loyiha Rog‘un, Dang‘ara va Xo‘jand shaharlarida ichimlik suvi va kanalizatsiya tizimlarini modernizatsiya qilishga, shuningdek, sug‘orish tarmoqlarini tiklashga qaratilgan.
Tojikiston hukumati huzuridagi Atrof-muhitni muhofaza qilish qo‘mitasi ma’lumotlariga ko‘ra, 2026 yil 29-iyundan 2-iyulgacha Dushanbeda bo‘lib o‘tgan Yashil iqlim jamg‘armasi boshqaruv kengashining 45-yig‘ilishidan so‘ng Tojikiston uchun umumiy qiymati 190 million dollarga teng ikkita yangi iqlim bilan bog‘liq loyihalar tasdiqlandi.
Umumiy moliyalashtirishning 62 million dollari Yashil iqlim jamg‘armasi orqali grantlar sifatida taqdim etiladi, qolgan qismi esa kreditlar va rivojlanish bo‘yicha hamkorlar bilan hamkorlikda moliyalashtirish kelishuvlari orqali amalga oshiriladi.
30 million dollarlik birinchi loyiha Tojikiston bo‘ylab 14 ta shahar va tumanni qo‘llab-quvvatlaydi. Uning maqsadi suvni tejaydigan texnologiyalarni joriy etish va mevali bog‘lar uchun jamg‘arma tashkil etish kabi choralar orqali zaif sohalarda barqarorlikni oshirishdir.
Ikkinchi loyiha Rog‘un, Dang‘ara va Xo‘jand shaharlarida ichimlik suvi va kanalizatsiya tizimlarini modernizatsiya qilishga, shuningdek, sug‘orish tarmoqlarini tiklashga qaratilgan. U Yashil iqlim jamg‘armasining grant ko‘magi va Yevropa tiklanish va taraqqiyot bankining moliyalashtirishi bilan amalga oshiriladi.
