«Энг яхши стартап ғояси» танлови ўтказилади

Бугун 10:551 дақиқа

2026/2027 ўқув йилидан бошлаб ўқувчилар ўртасида «Энг яхши стартап ғояси» танлови ўтказилади, туман даражасидаги ғолибларга 5 млн сўмгача, вилоят даражасида – 10 млн сўмгача миқдорда мукофот пули берилади.

«Стартапларни қўллаб-қувватлашнинг комплекс экотизимини жорий этиш чора-тадбирлари тўғрисида»ги Президент қарори (ПҚ–59-сон, 11.02.2026 й.) қабул қилинди. Ҳужжатга кўра, 2026/2027 ўқув йилидан бошлаб ўрта махсус, касбий таълим муассасалари ўқувчилари ҳамда умумий ўрта таълим мактабларининг 9–11-синф ўқувчилари учун махсус тадбирлар йўлга қўйилади.

Қарорга асосан, таълим муассасаларида ҳар ойда камида икки маротаба «Моҳирлик ва бизнес соати» машғулотлари ташкил этилади. Ушбу дарслар орқали ўқувчилар стартап ғоя яратиш, бизнес модел тузиш ва бозорга чиқиш кўникмаларини эгаллайди.

Шунингдек, ўқувчилар ўртасида «Энг яхши стартап ғояси» танлови ўтказилади. Туман босқичи ғолиблари 5 млн сўмгача, вилоят босқичи ғолиблари эса 10 млн сўмгача пул мукофоти билан тақдирланади. Лойиҳалар ҳар чоракда ота-оналар, бизнес ва илмий жамоатчилик вакилларига тақдим этиб борилади.

Яна бир муҳим янгилик — таълим муассасаларида ишлаб чиқилган маҳсулотларни маркетплейслар орқали сотиш механизми жорий этилади. Бу ёшлар ғояларини тижоратлаштириш имкониятини кенгайтиради.

Қарор билан 2026 йил 1 апрелдан краудсорсинг асосида муаммоларни ҳал қилиш тизими ҳам йўлга қўйилади. Давлат органлари ва давлат иштирокидаги корхоналар махсус электрон платформада ечим талаб этувчи масалаларни эълон қилади ҳамда ҳар ой «Стартап куни» учрашувларини ўтказади.

Теглар

Таълим Маркетплейс стартап ПҚ59 Краудсорсинг

Мавзуга оид

Кеча 18:39

Энг қиммат Мирободда: Тошкентда уйларнинг ижара нархлари қандай?

2026 йил бошида Тошкентда ижара бозори яна қимматлашди. Пойтахтда 1 кв метр учун ўртача ижара нархи 8,8 долларга етди. Бу ўтган йилга нисбатан 9 фоиз юқори.

Кеча 15:15

Пенсия тайинлаш тизими тўлиқ рақамлаштирилади

Пенсия тизимида хизматларни тўлиқ рақамлаштириш мақсадида, 2026 йилда босқичма-босқич бошқа турдаги пенсияларни ҳам проактив шаклга ўтказиш кўзда тутилган қарори лойиҳаси муҳокамага чиқарилди.

Кеча 19:40

Ўзбекистон Тожикистон экспорт қилаётган кўмирнинг деярли ҳаммасини сотиб олган

Кўмир савдоси Тожикистон иқтисодиётига тахминан 6,5 миллион доллар даромад келтирган.

Кеча 21:48

Журналистикани қоралаш эмас, уни мустаҳкамлаш вақти келди

Бугун учраб турган айрим салбий ҳолатлар бутун журналистикани айблаш учун асос бўла олмайди. Муаммо касбнинг ўзида эмас, унинг номи ортида шахсий манфаат излаётганларда ва сўз эркинлигини ҳимоя қиладиган мустаҳкам институтлар етишмаслигидадир.

Кеча 14:28

Давлат мактаб ва боғчалари ерларининг сотилиши: қонунчиликдаги бшлиқлар

Мактаб ва боғчалар ерларини ДХШ асосида бериш ташаббуси муҳокамаларга сабаб бўлмоқда. Бу қарор ижтимоий тенгсизликни кучайтириши ва давлат таълим муассасаларининг келажакда кенгайиш имкониятини чеклаши мумкин.

Кеча 17:38