Эрон парламенти вакили Исмоил Ковсарий мамлакат Ҳўрмуз бўғозини ёпиш масаласини кўриб чиқаётганини билдирди. Бу ҳаракат жаҳон нефт бозорида 1970-йиллар инқирозига тенг оқибатларга олиб келиши мумкин.
Исроил бош вазири Бинямин Нетаняҳу Эронга нисбатан янада кучли ва кенг қамровли ҳарбий амалиётлар бўлишини билдирди. У Теҳрон осмонида Исроил самолётлари кўриниш беришга яқин эканини таъкидлади.
14 июн куни Исроил ҳарбий-ҳаво кучлари Эрон ғарбидаги ерости ракеталар базасига ҳаво зарбаси берди. Ушбу объект баллистик ва қанотли ракеталарни сақлаш ва учириш учун мўлжалланган эди.
Исроилнинг Эрондаги ядро иншоотларига ҳужуми ортидан Натанздаги объектда асосан алфа зарралари аниқланган, бироқ АЭҲА маълумотларига кўра, радиация ташқи муҳитга тарқалмаган.
