Octobank интернет фирибгарлик ҳолатлари ва улардан қандай ҳимояланиш ҳақида хабардорликни оширишда давом этади. Бугунги кунда айниқса ёши катта инсонлар молиявий жиноятларнинг асосий нишонига айланган.
2021–2024 йиллар давомида Ўзбекистонда кибержиноятлар оқибатида фуқаролар ва банк тизими 1,9 трлн сўмдан зиёд молиявий зарарга учради. Бу ҳолат, айниқса, банк карталари билан боғлиқ ўғирлик ва фирибгарликлар ортиши билан боғлиқ.
Алоҳида кибержиноят гуруҳлари 2023 йил давомида Telegram мессенжери орқали 27 млрд долларга тенг криптовалютани жиноий фаолият билан «ювиб олган». Бу ҳақда Crystal Blockchain таҳлил маркази маълум қилди.
