Транспорт вазири Илҳом Маҳкамов вилоят ҳайдовчилари учун Тошкентда таксичилик қилиш тақиқланмаганини маълум қилди. Унинг сўзларига кўра, ҳукумат қарори нотўғри талқин қилинган ва бу бўйича тез орада аниқ тушунтириш берилади.
Транспорт вазирлиги ва француз банки Natixis авиация ҳамда темирйўл тизимини модернизация қилиш мақсадида ҳамкорлик қилиш ниятида. Яқин йилларда янги самолёт ва поездлар сотиб олиниши кутилмоқда.
Осиё инфратузилмавий инвестициялар банки Қорақалпоғистон ва Хоразмдаги умумий 516 км йўлни капитал таъмирлаш лойиҳасини молиялаштириш ниятида. Бу келишув Транспорт вазирлигидаги учрашув пайтида эришилди.
Жанубий Корея ҳукумати Тошкент-Андижон пулли автомагистрал қурилишига кўмаклашишга тайёр эканини билдирди. Шунингдек, ҳаракатни бошқаришга оид замонавий технологияларни Ўзбекистонда жорий этиш масаласи муҳокама қилинди.
