30 июлдан 30 августгача давом этувчи «Ватанга қайтариш» лойиҳаси доирасида хорижий давлатларда оғир молиявий аҳволда қолган 621 нафар Ўзбекистон фуқароси юртимизга қайтарилди. Бу ҳақда Миграция агентлиги матбуот хизмати маълум қилди.
Ўзбекистон Бош консулхонаси ва Миграция агентлиги кўмагида амалга оширилаётган «Ватанга қайтариш» лойиҳаси доирасида Россияда оғир аҳволда қолган фуқароларга қайтиш сертификатлари ва авиачипталар берилди. Улар 18 август куни Ўзбекистонга қайтарилиши белгиланган.
«Ватанга қайтариш» акцияси доирасида Туркия ва Россияда мушкул аҳволда қолган фуқаролар Миграция жамғармаси ёрдамида юртга олиб келинди.
Мазкур ташаббус доирасида чет элда қийин аҳволда қолган фуқароларни ватанга олиб келиш ва уларни жамиятга қайта мослаштириш мақсад қилинган.
