Мирзиёев Трампга махсус совға юборди

Bugun 19:022 daqiqa

Тошкентдан Вашингтонга юборилган икки шийпон Трамп режалаштираётган боғга қўйилади.

Ўзбекистон президенти Шавкат Мирзиёев АҚШ президенти Доналд Трампга анъанавий ўзбек шийпонларини совға қилди.

«New York Times»га кўра, Тошкентдан юборилган икки шийпон Вашингтонда Трамп режалаштираётган Америка Қаҳрамонлари миллий боғи жойлашадиган Ғарбий Потомак паркига ўрнатилади.

Нашр маълум қилишича, сўнгги кунларда парк ҳудудида Тошкент почта ёрлиқлари туширилган йирик қутиларни ташиётган юк машиналари кўринган. Шийпонлар Марказий Осиёга хос мураккаб ёғоч ўймакорлиги билан безатилган.

АҚШ Ички ишлар департаментининг алоқа бўйича директори Кэти Мартин ушбу совғани тасдиқлаган.

«Ўзбекистон Президенти Шавкат Мирзиёев анъанавий ўзбек шийпонларини Президент Доналд Трампга сахийлик билан ҳадя қилди ва у уларни Америка Қўшма Штатлари халқи номидан қабул қилиб олди», — деди у.

Вашингтондаги рамзий совға

Кэти Мартиннинг сўзларига кўра, Ғарбий Потомак паркига ташриф буюрувчилар куз охирида «нозик дид билан ясалган» шийпонлардан баҳраманд бўлиши мумкин.

Ўзбекистоннинг АҚШдаги элчиси Фурқат Сиддиқов ҳам ижтимоий тармоқда шийпонлар Америка Қаҳрамонлари боғининг бир қисмига айланаётганини қайд этди.

«Ўзбек санъати Вашингтондаги Америка Қаҳрамонлари боғининг бир қисмига айланганидан фахрланаман.

Ўзбекистон Президентининг АҚШ Президенти ва Америка халқига туҳфаси бўлган иккита анъанавий ўзбек шийпони дўстлигимиз ва стратегик шериклигимиз рамзи бўлиб хизмат қилади», — деди у.

Савдо алоқалари кенгаймоқда

«NYT» нашрининг қайд этишича, июн ойида АҚШ ва Ўзбекистон савдо ва инвестиция шартномаси бўйича музокараларни тезлаштирган. Ўзбекистон АҚШнинг кўплаб саноат ва қишлоқ хўжалиги маҳсулотлари учун тарифларни бекор қилиш ёки камайтириш мажбуриятини олган. Ўз навбатида, Қўшма Штатлар Ўзбекистоннинг саноат ва қишлоқ хўжалиги товарлари учун тариф чораларида «қулайлик яратиш»га ваъда берган.

Ўтган йили Трамп ва Мирзиёев 32 миллиард долларлик икки томонлама тижорат шартномаларини эълон қилган эди. Бундан ташқари, АҚШ Ўзбекистоннинг Жаҳон савдо ташкилотига аъзо бўлиш жараёнини ҳам қўллаб-қувватлаган.

Шунингдек, Доналд Трамп ўзининг ижтимоий тармоқдаги саҳифасида Шавкат Мирзиёев ҳақида «юксак ҳурматга сазовор» деган ва уни 8 миллиард долларлик «Boeing» самолётларини сотиб олгани билан табриклаган.

Teglar

Трамп дипломатия Мирзиёев АҚШ Ўзбекистон шийпон

Mavzuga oid

Bugun 09:32

Мирзиёев Тўқаевни янги Қурултой сайлови билан табриклади

Ўзбекистон президенти Қозоғистондаги парламент сайловлари якунлари муносабати билан Тўқаевга мактуб йўллади.

Kecha 21:55

Ўзбекистон ва Озарбойжон абадий дўстлик бўйича шартнома тузди

Шавкат Мирзиёев ва Илҳом Алиев «Абадий дўстлик тўғрисида»ги шартнома ҳамда Олий давлатлараро кенгаш учинчи йиғилишининг қарорини имзолади. Томонлар савдо, инвестиция, туризм, маданият ва бошқа соҳаларда ҳамкорликни кенгайтириш бўйича қатор ҳужжатларни қабул қилди.

Kecha 20:45

Уй-жойлардан банк ва заводларгача: Ўзбекистон хусусийлаштиришининг 35 йили

Мустақилликнинг илк йилларида хусусийлаштириш, аввало, одамларни уй-жой ва кичик бизнес эгасига айлантирди. 2017 йилдан кейинги тўлқин эса банк, кимё, цемент, автомобилсозлик, тўлов тизими ва телекоммуникациядаги йирик активларга етиб борди. Рекорд савдо ҳажмлари ислоҳот тезлашганини кўрсатади. Аммо улар давлатнинг иқтисодиётдаги оғирлиги кескин камайганини ҳали англатмайди.

Kecha 19:55

Илҳом Алиев Ўзбекистон президентини «Ҳайдар Алиев» ордени билан тақдирлади

Ўз навбатида, Озарбойжон раҳбарига Ўзбекистоннинг «Олий Даражали Дўстлик» ордени топширилди.

Bugun 13:25

Низомий номидаги Ўзбекистон Миллий педагогика университетининг янги кампуси очилди

Шавкат Мирзиёев ва Илҳом Алиев Янги Тошкентда Низомий номидаги Ўзбекистон Миллий педагогика университетининг янги кампусини тантанали очиш маросимида иштирок этди.

Bugun 10:55

Илҳом Алиев: Шавкат Мирзиёев Ўзбекистонни бутунлай ўзгартирди

Озарбойжон президенти Илҳом Алиев Ўзбекистоннинг сўнгги йиллардаги тараққиёти ва президент Шавкат Мирзиёев раҳбарлигида мамлакатда амалга оширилган ўзгаришларга юқори баҳо берди.