Янги мақсад: Ўзбекистон иқтисодиёти 2030 йилга қадар 300 миллиард долларга етказилади

Bugun 20:082 daqiqa

Қайд этилишича, ЯИМ ҳажмини 160 миллиард долларга етказиш бўйича белгиланган марра жорий йилнинг ўзида ортиғи билан бажарилди.

Янги мақсад: Ўзбекистон иқтисодиёти 2030 йилга қадар 300 миллиард долларга етказилади

Ўзбекистон иқтисодиёти кўламини 2030 йилга бориб 300 миллиард долларга етказиш бўйича янги мақсад белгиланди. Бу ҳақда Президент Шавкат Мирзиёев давлат мустақиллигининг 35 йиллигига бағишланган тантанали маросимда таъкидлади.

Глобал логистикадаги узилишлар ва дунёдаги нотинч вазиятга қарамасдан, ЯИМ ҳажмини 160 миллиард долларга етказиш бўйича белгиланган марра жорий йилнинг ўзида ортиғи билан бажарилди.

Қайд этилишича, ушбу кўрсаткич орқали Ўзбекистон даромади ўртачадан юқори давлатлар қаторига киради.

Мамлакатда валюта, солиқ, божхона ва инвестиция сиёсатида амалга оширилган туб ўзгаришлар сабаб Иқтисодий эркинлик индексидаги ўрин 80 поғона яхшиланган ва Ўзбекистон иқтисодиёти мўтадил эркин давлатлар қаторидан жой олган.

Сиёсий ирода билан чегара муаммолари ҳал қилиниб, қўшнилар билан ҳамкорлик мустаҳкамлангани таъкидланади.

«Илгари иқтисодиётимизга йилига 2-3 миллиард доллар хорижий инвестиция жалб қилинган бўлса, ҳозир мазкур кўрсаткич 40-50 миллиард долларни ташкил этмоқда», — дейилади расмий хабарда.

Инвестициялар билан биргаликда мамлакатга илғор технологиялар ва янги иқтисодий имкониятлар ҳам кириб келаётгани маълум қилинди.

Шунингдек, эҳтиёжманд оилаларнинг даромади ва яшаш шароитини яхшилаш бўйича «маҳаллабай» ишлаш тизими йўлга қўйилиши ортидан, камбағаллик даражаси 2017 йилдаги 35 фоиздан 4 фоизга туширилган. Бунинг замирида 10 миллион инсоннинг турмуш сифати яхшилангани эътироф этилди.

«Бундай юксак натижаларга халқимизнинг фидокорона меҳнати, интеллектуал салоҳияти ҳамда миллат ва давлат бирдамлиги туфайли эришяпмиз. Ижобий ўзгаришларни ҳар бир инсон, ҳар бир оила ўз ҳаётида чуқур ҳис этяпти», — дея Президент сўзларидан иқтибос келтирди матбуот хизмати.

Давлат раҳбари янги даврда замонавий уй-жойга эга бўлган 650 мингдан зиёд оиланинг қувончини алоҳида таъкидлаб ўтди.

Маълумот ўрнида эслатиб ўтамиз, давлат раҳбарининг 2025 йилдаги мурожаатномасида 2026 йилда ЯИМ ҳажми 160 миллиард долларга, яқин 5 йилда эса (2030 йилгача) 240 миллиард долларга етиши режа қилингани айтилган эди. Ундан аввалги мўлжал эса 200 миллиард долларни ташкил қилган.

Teglar

макроиқтисодиёт.камбағалликни қисқартириш инвестициялар Ўзбекистон иқтисодиёти ЯИМ 300 млрд доллар Президент нутқи мустақиллик 35 йиллик

Mavzuga oid

Kecha 23:17

Талабалар учун ўзгарган дарс вақти, озодликка чиқаётган юзлаб маҳкумлар ва 10 йилда 3 баробар ошган пенсия — 27 август дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 17:52

«ОФБ» акциядорларга қарийб 1 трлн сўм дивиденд тўлади

Банк 2025 йил якунидаги тақсимланадиган соф фойдасининг қарийб 95 фоизини дивидендга йўналтирди. Умумий тўлов бир йилда 16,2 фоизга ошган, бироқ акциялар сони кўпайгани сабаб бир акцияга дивиденд камайган.

Kecha 20:10

«Океанлар бизни Ватандан ажратолмайди» — АҚШ ва Канададаги ватандошлардан Президент номига самимий мурожаат

«Vatan Global Alliance» ташкилоти ҳамда АҚШ ва Канададаги фаол ватандошлар Ўзбекистон Республикаси Президентига мурожаат йўллаб, мамлакатимизда кечаётган кенг кўламли ислоҳотларни тўлиқ қўллаб-қувватлашларини маълум қилди.

Bugun 18:31

Давлат бинолари Германия тажрибаси асосида бошқариладими?

Ўзбекистон давлат кўчмас мулкини самарали бошқариш учун Германия тажрибасини ўрганмоқда. Бу борадаги ҳамкорлик уч босқичда йўлга қўйилади.

Kecha 18:34

Ўзбекистон иқтисодиёти ярим йилда 8,5 фоизга ўсди

Ярим йилда Ўзбекистон ялпи ички маҳсулоти 8,5 фоизга ўсди. Шунга қарамай, президент Шавкат Мирзиёев иқтисодиёт йилига 9–10 фоиз ўсиши кераклигини таъкидлади. Марказий банк эса иқтисодиётдаги юқори фаолликни ҳисобга олиб, йил якунидаги ўсишни 7,5–8 фоиз атрофида прогноз қилмоқда. Vaqt.uz юқори иқтисодий ўсишга нима сабаб бўлаётгани ва унинг аҳоли ҳаётида қандай акс этаётганини таҳлил қилди.

Bugun 14:38