Марказий банк томонидан сотувга чиқариладиган олтин қуймалар нархи кечагига нисбатан яна 1,5 фоизга ошди. 9 октябрь ҳолатига 5 граммлик олтин қуйма нархи 8 млн 43 минг сўмни ташкил қилмоқда.
5 граммлик олтин қуймалар нархи 1 ҳафта ичида 306 минг сўмга, 1 ой ичида эса 512 минг сўмга ошди. Ўтган йилнинг мос даври билан солиштирганда ўлчовли қуймалар нархи 2 млн 450 минг сўмга ёки 43,8 фоизга ошган. Бу натижа Ўзбекистондаги бошқа инвестиция воситаларига — кўчмас мулк ёки сўмдаги омонатларга нисбатан анча юқори кўрсаткичдир.
Айни дамда олтин нархи дунё бўйича янги рекордни ўрнатишда давом этмоқда. 1 унция олтин нархи 4 минг доллардан ошди.
Марказий банк олтин қуймаларини SQB Mobile иловаси орқали онлайн тарзда ёки тегишли тижорат банкларига ташриф буюриб сотиб олиш мумкин.
Эслатиб ўтамиз, олтин нархи ошиши фонида Ўзбекистон халқаро захиралари ҳажми ортиб, қарийб 55 млрд долларга етди.