«Ўзбекистон ёшлар лигаси» платформаси ишга туширилади

Бугун 17:401 дақиқа

Юқори балл тўплаган ёшларга таълим, тадбиркорлик, иш фаолияти ва уй-жой масалаларида қатор имтиёзлар берилади.

Ўзбекистонда «Ўзбекистон ёшлар лигаси» платформаси ишга туширилади. Бу ҳақда 30-июн куни Шавкат Мирзиёев ёшлар билан ўтган учрашувида маълум қилди.

Янги тизимга кўра, ёшлар ўз ютуқ ва натижаларини платформага жойлаштиради. Ушбу маълумотлар тегишли вазирлик ва идоралар томонидан ўрганилиб, иштирокчиларга махсус балл берилади.

Юқори натижа қайд этган ёшларга таълим грантлари, контракт тўловлари учун чегирмалар, «касб ваучери», хорижда таълим олиш харажатларини қоплаш каби имкониятлар тақдим этилади.

Қўшимча имтиёзлар

Шунингдек, уларга имтиёзли тадбиркорлик кредитлари, акселератор дастурларида иштирок этиш, хорижий стажировка ўташ, давлат хизмати учун кадрлар захирасига киритилиш ҳамда уй-жой харид қилиш учун имтиёзли ипотека ажратиш режалаштирилган.

Бундан ташқари, йил якунида энг юқори натижаларга эришган ёшлар тантанали равишда тақдирланади.

Президентнинг таъкидлашича, «Ўзбекистон ёшлар лигаси” мактаб ва техникум ўқувчилари, маҳаллий ва хорижий олий таълим муассасалари талабалари, илм-фан билан шуғулланаётган ёшлар, давлат ва хусусий секторда фаолият юритаётган йигит-қизлар ҳамда хориждаги ватандошлар фарзандларини бирлаштирадиган умумхалқ ҳаракатига айланиши кўзда тутилган.

Эслатиб ўтамиз, аввалроқ 30-июн — Ёшлар куни муносабати билан бир гуруҳ ёшларни мукофотлаш бўйича Президент фармони қабул қилинганди.

Теглар

имтиёзли кредит президент ипотека грант давлат хизмати касб ваучери хорижда таълим Шавкат Мирзиёев Ўзбекистон Ўзбекистон ёшлар лигаси ёшлар контракт чегирмаси акселератор ёшлар сиёсати

Мавзуга оид

Бугун 14:54

Президент ЖЧда иштирок этган футболчилардан айб қидирмасликка чақирди

Шавкат Мирзиёев ватан шарафини ҳимоя қилган жамоа аъзоларига «ортиқча ҳис-туйғу билан эътироз билдириш, улардан айб қидириш халқимизга хос иш эмаслигини, аксинча, бугун уларни қўллаб-қувватлаш, руҳини кўтариш ҳар қачонгидан ҳам муҳим»лигини айтиб ўтди.

Кеча 17:55

600 долларлик хизмат учун 13 минг доллар талаб қилган товламачилар судланди

Тошкентдаги «Фарҳод» автомобил эҳтиёт қисмлари бозорида мижозларни қўрқитиб, рухсатисиз автомобилларга эҳтиёт қисмлар ўрнатиш ва катта миқдорда пул талаб қилишда айбланган 14 нафар шахсга суд ҳукми ўқилди. Суд 14 нафар судланувчининг барчасини айбдор деб топди.

Кеча 22:20

«Мард ўғлон» мукофоти ғолиблари эълон қилинди

Йигитларга базавий ҳисоблаш миқдорининг 50 баравари миқдорида пул мукофоти берилади.

Кеча 20:45

Мирзиёев ва Жаҳон банки вице-президенти давлат корхоналарини хусусийлаштириш масалаларини муҳокама қилди

Томонлар сув хўжалигини молиялаштиришга қаратилган янги дастурларни ишлаб чиқиш юзасидан ҳам фикр алмашдилар.

Кеча 18:55

Энди телефонни UzIMEI'да 2 дақиқада рўйхатдан ўтказиш мумкин

Ўзбекистонга олиб кирилаётган телефонларни декларациялаш ва UzIMEI'да рўйхатдан ўтказиш тартиби соддалаштирилди. Энди барча жараён бир вақтнинг ўзида амалга оширилади.

Кеча 21:57

Тошкентликлар Президентга нимадан энг кўп шикоят қилмоқда?

Президент қабулхоналарига Тошкентдан келган такрорий мурожаатлар сони кескин ошган. Таҳлил аҳолини энг кўп қийнаётган муаммолар ва идоралардаги камчиликларни очиқлади.