JCH-2026. O‘zbekiston Kongoga ham yutqazib, ilk mundialini ochkosiz yakunladi

O‘zbekiston (0) milliy jamoasi 2026 yilgi Jahon chempionati guruh bosqichidagi so‘nggi o‘yinini Kongo DRga (4) qarshi o‘tkazib, kambek qurboni bo‘ldi. Eldor Shomurodovning tezkor goliga afrikaliklar ikkinchi bo‘limda javob berishdi.

Shu tariqa O‘zbekiston ilk mundialini ochkosiz yakunladi. Kongo esa o‘z tarixida birinchi marta pley-offda o‘ynaydigan bo‘ldi.

Guruhning ikkinchi o‘yinida Kolumbiya (7) va Portugaliya (5) golsiz durang qayd etishdi. Har ikki jamoa 1/16 finalga yo‘l oldi.

JCH-2026. K guruhi. 3-tur. 27-iyun
Kongo DR — O‘zbekiston 3:1
Gollar: Vissa (68 penalti, 90+1), Mayele (78) — Shomurodov (10).
O‘zbekiston — Abduvohid Ne’matov, Hojiakbar Alijonov, Abduqodir Husanov, Rustam Ashurmatov, Jahongir O‘rozov (Igor Sergeyev, 82), Sherzod Nasrullayev, Otabek Shukurov (Odil Hamrobekov, 59), Akmal Mozgovoy (Jamshid Iskanderov, 82), Abbos Fayzullayev (Oston O‘runov, 73), Doston Hamdamov (Aziz G‘aniyev, 59), Eldor Shomurodov.
Kongo DR — Mpasi, Van-Bissaka, Tuanzebe, Mbemba, Masuaku (Kayembe, 83), Mbuku (Eliya, 72), Mutussami (Mukau, 72), Sadiki, Sipenga (Bongonda, 73), Bakambu (Mayele, 52), Vissa.
Ogohlantirishlar: Sadiki (21), Husanov (43), Mbuku (45+5), Nasrullayev (48).

Kolumbiya — Portugaliya 0:0
Kolumbiya — Vargas, S.Arias (Munos, 87), Sanches, Lukumi, Mashadu, J.Arias (Kastano, 76), Lerma (Rios, 60), Puerta, Xames (Kintero, 76), Dias, Kordoba (Suares, 60).
Portugaliya — D.Koshta, Kanselu (Dalot, 46), Diash, Veyga, Mendesh (Nunesh, 90+3), R. Nevesh (J.Nevesh, 46), Vitinya (S.Koshta, 70), Netu, Fernandesh, Feliks (Leau, 70), Ronaldu.
Ogohlantirish: Puerta (86).